धर्माला हात लावाल तर हिंदू म्हणून आणि मराठीला नख लावलं तर; उलट्या चष्म्याचा सरळ व्हिडिओ

मुंबई: सब टीव्ही वाहिनीवरील ‘तारक मेहता का उलटा चस्मा’ या मालिकेत एका संवादात मुंबईची ‘आम भाषा’ हिंदी असल्याचं म्हटल्याने महाराष्ट्र नवनिर्माण सेनेने संताप व्यक्त केला आहे. यावर मनसेच्या अनेक नेत्यांकडून संतप्त भावना व्यक्त करण्यात आली होती. तत्पूर्वी मनसेने महाअधिवेशनात नव्या झेंड्याचे अनावरण करता कट्टर हिंदुत्वाची भूमिका घेतल्याचं पाहायला मिळालं. मात्र, मनसेने आता मराठीचा मुद्दा सोडला का अशी चर्चा रंगली होती. परंतु सध्याच्या घटनेने राज ठाकरे यांच्या भाषांतील ‘आमच्या धर्माला हात लावाल तर हिंदू म्हणून आणि मराठीला नख लावलं तर मराठी म्हणून अंगावर घेईन’ असं म्हटलं होतं, जे ताज्या घटनेतुन आठवण करून देताना दिसत आहे.

महाराष्ट्र नवनिर्माण चित्रपट सेनेच्या सरचिटणीस शालिनी ठाकरे यांनी सब टीव्ही वहिनीला सज्जड दम भरला होता. यावर त्यांनी ट्विट करताना म्हटलं आहे की, ‘मुंबईची ‘आम भाषा’ हिंदी नाही, मराठी आहे, हे ह्या सब टीव्हीवाल्यांना मान्य नसेल, तर महाराष्ट्र सैनिकांना त्यांच्या कानाखाली ‘सुविचार’ लिहावे लागतील! तेसुद्धा मराठीत!. ‘कानाखाली काढलेले मराठी सुविचार’ ह्यांना बरोबर वाचता येतील, असं म्हणत गंभीर इशारा दिला होता.

मनसेच्या चित्रपट सेनेचे प्रमुख अमेय खोपकर यांनी…आपल्या ट्विटर अकाऊंटवरमुंबईची भाषा मराठी आहे हे माहिती असतानाही मालिकांमधून पद्धतीशीर अपप्रचार सुरु असतो. या गुजराती किड्यांची वळवळ थांबवावीच लागेल. यात काम करणाऱ्या मराठी कलाकारांनाही याची शरम वाटत नाही याचीच शरम वाटते असं मत मांडलं होतं.

त्यानंतर तारक मेहता का उलटा चष्मा मालिकेतील वादावर, निर्माते असित मोदी यांनी आपल्या ट्विटर अकाऊंटवर स्पष्टीकरण दिलं आहे. “मुंबई महाराष्ट्रात आहे आणि महाराष्ट्राची राजभाषा मराठी आहे यात काही वादच नाही…आपण सर्व भारतीय आहोत आणि मी सर्व भाषांचा सन्मान करतो” असं ट्विट करत विषयावर पडदा टाकण्याचा प्रयत्न केला.

त्यानंतर या मालिकेत काम करणारे मेहता लाल या कलाकाराने व्हिडीओ जारी केला आहे. त्यात म्हटलंय की, भारताची आर्थिक राजधानी महाराष्ट्राचं शहर मुंबई येथील स्थानिक आणि प्रचलित भाषा मराठी आहे. मुंबईने नेहमी सर्वांना सामावून घेतले, सर्व भाषांचा सन्मान केला. मात्र चंपक चाचांनी केलेल्या वक्तव्यामुळे कोणाच्या भावना दुखावल्या असतील त्यांची अंत:करणापासून माफी मागतो असं सांगितले आहे.

News English Summery: Then on the issue of Tarak Mehta Ka Reverse Glasses series, creator Asit Modi has explained on his Twitter account. There is no dispute that Mumbai is in Maharashtra and the official language of Maharashtra is Marathi … we are all Indians and I respect all languages, “he said. After this, Mehta Lal, who is working in the series, has released the video. It is said that Marathi is the local and prevalent language of Mumbai, the financial capital of India. Mumbai always accommodated everyone, respected all languages. However, the statement made by Champagchas says that he apologizes to the hearts of those who have hurt his feelings.

Web News Title: Story New video released SAB TV Serial Tarak Mehta Ka Ulta Chashma after MNS Threaten.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.