Stree 2 Movie | स्त्री टू चित्रपटाची बॉक्स ऑफिसवर जोरदार कमाई; शाहरुखच्या डंकी चित्रपटाचा देखील मोडला रेकॉर्ड

Stree 2 Movie | श्रद्धा कपूर आणि राजकुमार रावचा चित्रपट स्त्री टू बॉक्स ऑफिसवर धमाल कमाई करत आहे. या चित्रपटाने शाहरुख खानच्या डंकी चित्रपटाला देखील मागे टाकलं आहे. जबरदस्त कॉमेडी आणि हॉरर चित्रपटाला प्रेक्षकांनी डोक्यावर घेतलं आहे. या चित्रपटाने बॉक्स ऑफिसवर इतिहास रचत जोरदार कमाई केली आहे. चला तर मग गेल्या दहा दिवसांमध्ये या चित्रपटाने किती कमाई केली याबद्दल जाणून घेऊ.

मॅडॉक फिल्मने आपल्या इंस्टाग्राम अकाऊंटवर स्त्री टूच्या वर्ल्डवाईड कलेक्शनची माहिती दिली आहे. यावर दिलेल्या माहितीनुसार, स्त्री 2 चित्रपटाने जगभरात आतापर्यंत 505 कोटी रुपये इतकं ग्रॉस कलेक्शन केलं आहे. तर भारतात स्त्री 2 ने 426 कोटींची कमाई केली आहे. शनिवारी या चित्रपटाचा दहावा दिवस आहे. 10 व्या दिवशी स्त्री 2 ने 38 कोटी रुपयांचा बिजनेस केला आहे.

शाहरुख खानचा डंकीला टाकलं मागे
श्रद्धा आणि राजकुमार रावच्या स्त्री 2 चित्रपटाने शाहरुखच्या डंकी चित्रपटाचा रेकॉर्ड ब्रेक केला आहे. गेल्या वर्षी 2023 मध्ये शाहरुखच्या डंकी चित्रपटाचा बोलबाला होता. डंकीने त्यावेळी वर्ल्डवाईड 470 कोटी रुपयांचा बीजनेस केला होता.

तर यावर्षी स्त्री 2 ने तब्बल 505 कोटी रुपयांचा बिजनेस केला आहे. गेल्या आठ महिन्यांमध्ये बॉक्स ऑफिसवर कोणत्याही चित्रपटाने हा रेकॉर्ड बनवलेला नाही. श्रद्धा आणि राजकुमार रावच्या या चित्रपटाचं साऱ्यांनीच कौतुक केलंय. तसेच चहाते चित्रपटाला भरभरून प्रेम देत आहेत.

2024 चा ब्लॉकबस्टर चित्रपट
स्त्री 2 हा चित्रपट 2018 मध्ये आलेल्या स्त्री या चित्रपटाचा सिक्वल आहे. स्त्री चित्रपटाने देखील त्यावेळी जबरदस्त कमाई केली होती. अमर कौशिक यांनी या चित्रपटाचे दिग्दर्शन केले होते. स्त्री 2 या चित्रपटाचे दिग्दर्शन देखील अमर कौशिक यांनी केला आहे. 15 ऑगस्ट 2024 ला चित्रपट प्रेक्षकांच्या भेटीला आला आहे. चित्रपटात जबरदस्त स्टारकास्ट असून यामध्ये अक्षय कुमार आणि वरून धवन या दोघांचे देखील एंट्री आहे.

News Title : Stree 2 Movie Box Office Collection 31 August 2024.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.