VIDEO | हेल्मेट व मास्क न घालता बाईक चालवली | विवेक ओबेरॉयवर गुन्हा दाखल

मुंबई, २० फेब्रुवारी: बॉलिवूड अभिनेता विवेक ओबेरॉय विरुध्द वाहतूक नियमांनुसार ट्रॅफिक पोलिसांनी कारवाई केली आहे. विनाहेल्मेट आणि विनामास्क बाईक चालवल्याने विवेकला दंड ठोठावण्यात आला आहे. मिळालेल्या माहितीनुसार, शुक्रवारी विवेक ओबेरॉयने हेल्मेटशिवाय दुचाकी चालवल्याची तक्रार सामाजिक कार्यकर्ते डॉ. बीनु वर्गीस यांनी मुंबई पोलिसांना ट्विटर करून केली होती. त्यानंतर मुंबई पोलिसांनी ही कारवाई केली.

विवेक ओबेरॉयने स्वतः 14 फेब्रुवारी रोजी आपल्या इंस्टाग्राम अकाउंटवर एक व्हिडिओ शेअर केला होता. ज्यामध्ये तो हेल्मेटशिवाय तसेच मास्क न घालता दुचाकी चालवताना दिसला होता. विवेकला 500 रुपयांचे ई-चलान पाठवण्यात आलं आहे. अभिनेता विवेक ओबेरॉय याच्याविरुध्द मुंबई पोलिसांनी आयपीसीच्या कलम 188, 269, मोटार वाहन कायद्याच्या कलम 129, 177 आणि साथीच्या कायद्याच्या कलमांखाली गुन्हा दाखल केला. याप्रकरणी जुहू पोलिसांनी गुन्हा दाखल केला आहे. मुंबई पोलिसांच्या वरिष्ठ अधिकाऱ्याने या वृत्ताला दुजोरा दिला आहे.

 

View this post on Instagram

 

A post shared by Vivek Oberoi (@vivekoberoi)

“विवेकने विनाहेल्मेट बाईक चालवून वाहतूक सुरक्षा नियम मोडला आहे, तसेच त्याने चेहऱ्यावर मास्क देखील घातलेले नाही…याद्वारे युवा पिढीसमोर चुकीचा संदेश जातो, त्यामुळे त्याला दंड आकारावा” असं वर्गीस यानी लिहिलं होतं. बाईक राईडचा व्हिडीओ तुफान व्हायरल झाल्यानंतर विवेक ओबेरॉय विरोधात ट्रॅफिक पोलिसांनी ट्रॅफिकच्या नियमांतर्गत ही कारवाई केली आहे. विवेकला 500 रुपयांचे ई-चलान मोबाईलवर पाठवण्यात आलं आहे.

News English Summary: Traffic police have taken action against Bollywood actor Vivek Oberoi as per traffic rules. Vivek has been fined for riding a bike without a helmet and without a mask. According to the information received, on Friday, Vivek Oberoi complained that he was riding a bike without a helmet. Binu Varghese had tweeted to Mumbai Police. After that, Mumbai Police took this action.

News English Title: Traffic police have taken action against Bollywood actor Vivek Oberoi as per traffic rules news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.