Amazon Great Indian Festival Sale 2023 | खास लॅपटॉप ऑफर, अवघ्या 14,499 रुपयांत लॅपटॉप खरेदी करा, मिळतील तगडे फीचर्स

Amazon Great Indian Festival Sale 2023 | जर तुम्ही लॅपटॉप खरेदी करण्याचा विचार करत असाल तर तुमच्यासाठी आनंदाची बातमी आहे. ॲमेझॉन ग्रेट इंडियन फेस्टिव्हल सेलमध्ये जिओचा नवा लॅपटॉप बंपर डिस्काउंटसह 15,000 रुपयांपेक्षा कमी किंमतीत उपलब्ध आहे. जिओने ऑगस्टमध्ये जिओबुक ११ लॅपटॉप लाँच केला होता, जो बेसिक वर्क आणि विद्यार्थ्यांसाठी परफेक्ट असल्याचा जिओचा दावा आहे.

लाँचिंगच्या वेळी जिओने सांगितले होते की, जिओबुक 11 5 ऑगस्ट 2023 पासून भारतात 16,499 रुपयांच्या विशेष परिचयात्मक ऑफर म्हणून उपलब्ध होईल, जो स्टॉक संपेपर्यंत वैध असेल. मात्र, आता जिओबुक ११ २०२३ ॲमेझॉन आणि जिओमार्टवर मर्यादित कालावधीच्या ऑफरसह आणखी कमी किंमतीत उपलब्ध आहे. चला तर मग जाणून घेऊया या धनसू ऑफरबद्दल सविस्तर…

जिओबुक 11 15,000 रुपयांपेक्षा कमी किंमतीत उपलब्ध
वास्तविक, जिओबुक 11 (2023) लॅपटॉपची एमआरपी 25,000 रुपये आहे. पण ॲमेझॉन ग्रेट इंडियन फेस्टिव्हल 2023 सेलमध्ये उपलब्ध असलेल्या स्पेशल ऑफरअंतर्गत जिओबुक 16,499 रुपयांऐवजी फक्त 14,499 रुपयांमध्ये उपलब्ध आहे. जिओमार्टवरही याच किमतीत उपलब्ध आहे.

याशिवाय हा व्यवहार अधिक आकर्षक करण्यासाठी लॅपटॉपवर नो कॉस्ट ईएमआय, बँक डिस्काउंट अशा इतर ऑफर्सही उपलब्ध आहेत. म्हणजेच सध्या हा लॅपटॉप एमआरपीपेक्षा 10,501 रुपये कमी किंमतीत उपलब्ध आहे. ॲमेझॉन यावर 10,150 रुपयांपर्यंत एक्सचेंज ऑफर देत आहे.

जिओबुक 11 (2023) ची वैशिष्ट्ये
लॅपटॉपचे वजन फक्त ९९० ग्रॅम असून तो जिओओएसवर चालतो आणि केवळ निळ्या रंगाच्या पर्यायात येतो. जिओबुक 11 लॅपटॉपमध्ये 4 जीबी रॅम, 64 जीबी स्टोरेज आहे, जे 256 जीबीपर्यंत वाढवता येते. यात मीडियाटेक एमटी ८७८८ ऑक्टा कोर २.० गीगाहर्ट्झ एआरएम व्ही ८-ए ६४-बिट प्रोसेसर देण्यात आला आहे. यात ८ तासांची बॅटरी लाइफ मिळते, असे कंपनीचे म्हणणे आहे. यात ४जी एलटीई आणि वाय-फायचा सपोर्ट आहे. हे वायरलेस स्कॅनिंग आणि प्रिंटिंगला देखील समर्थन देते.

लॅपटॉपमध्ये ११.६ इंचाचा अँटी-ग्लेअर एचडी डिस्प्ले, २ मेगापिक्सलचा एचडी वेबकॅम आणि स्टिरिओ स्पीकर्स देण्यात आले आहेत. कनेक्टिव्हिटीसाठी यात दोन यूएसबी पोर्ट देखील आहेत. जिओबुक ची निवड करणाऱ्या ग्राहकांना डिजीबॉक्सएक्ससोबत १०० जीबी क्लाऊड स्टोरेज कोणत्याही अतिरिक्त खर्चाशिवाय मिळणार आहे. याशिवाय ग्राहकांना एक वर्षासाठी क्विक हील अँटीव्हायरस प्रोटेक्शन देखील देण्यात येणार आहे.

News Title : Amazon Great Indian Festival Sale 2023 Laptop offers check details 14 October 2023.