Apple iPhone 14 Smartphone | आयफोन 14 लॉन्चसाठी काऊंटडाऊन सुरू, फोनबद्दल बरंच काही जाणून घ्या

Apple iPhone 14 Smartphone | ॲपलचा आयफोन १४ पुढील महिन्यात लाँच होण्याची शक्यता आहे. सूत्रांनी दिलेल्या माहितीनुसार, कंपनी 7 सप्टेंबर रोजी एका खास कार्यक्रमात याचे अनावरण करू शकते. ॲपलच्या एकूण विक्रीत आयफोनचे योगदान सुमारे पन्नास टक्के आहे. सूत्रांच्या माहितीनुसार, आयफोन 14 सोबत कंपनी नवीन मॅक लॅपटॉप आणि डेस्कटॉप कॉम्प्युटर, ॲपल वॉच आणि आयपॅडच्या संपूर्ण रेंजसह अनेक प्रोडक्ट्स लाँच करण्याची प्रक्रिया वेगवेगळ्या किंमतींसह सुरू करणार आहे.

ॲपल आयफोन १४ चे स्टँडर्ड मॉडेल आयफोन १३ सारखेच असेल. मात्र, कंपनी आपले ५.४ इंचाचे मिनी स्क्रीन व्हर्जन बंद करून ६.७ इंचाचे स्क्रीन मॉडेल लाँच करणार आहे. अॅपल आपल्या कोणत्याही नॉन प्रो मॉडेलमध्ये इतकी मोठी स्क्रीन देण्याची ही पहिलीच वेळ असेल. आयफोन १४ प्रो सीरिजच्या फोनमध्ये कंपनी आणखी मोठे बदल करणार आहे. आयफोन १४ प्रोमधील फ्रंट कॅमेऱ्यात आता नॉच नावाचा कट-आऊट एरिया असणार नाही. याच्या जागी आता गोळीच्या आकाराचं छिद्र असेल, जे फेस आयडी सेन्सरला जोडलेलं असेल. त्यासोबतच पंच साइज होलही कॅमेऱ्यासाठी असणार आहे. या बदलामुळे युजर्सना पूर्वीपेक्षा जास्त स्क्रीन स्पेस मिळणार आहे.

याशिवाय आयफोन 14 प्रो फोनमध्ये कंपनी पूर्वीपेक्षा अधिक वेगवान चिप टाकणार आहे. मात्र आयफोन 14 च्या स्टँडर्ड मॉडेलमध्ये आतापर्यंत आयफोन 13 मध्ये वापरण्यात आलेली हीच ए15 चिप बसवण्यात येणार आहे. आयफोन 14 प्रोमध्ये सर्वात मोठा बदल कॅमेरा सिस्टममध्ये होणार आहे, जो आता पूर्वीपेक्षा मोठा दिसणार आहे. प्रो मॉडेलमध्ये 48 मेगापिक्सलचा वाइड अँगल कॅमेरा लेन्स, सोबत 12 मेगापिक्सलचा अल्ट्रा-वाइड आणि टेलिफोटो सेन्सर असणार आहे. अॅपल या नव्या आयफोन मॉडेलचे व्हिडिओ रेकॉर्डिंग सुधारण्याची आणि बॅटरीचे आयुष्य वाढवण्याचीही तयारी करत आहे.

ब्लूमबर्गच्या मते, सप्टेंबरमध्ये होणारा ॲपलचा इव्हेंट आयफोन 14 लॉन्च केला जाऊ शकतो आणि 16 सप्टेंबरपासून नवीन आयफोन 14 ची बाजारात विक्री सुरू होईल. या फोनची किंमत 65 हजार रुपयांपासून 75 हजार रुपयांपर्यंत ठेवली जाण्याची शक्यता आहे. ॲपलच्या प्रवक्त्याने कार्यक्रमाच्या वेळेवर थेट भाष्य करण्यास नकार दिला. या इव्हेंटमध्ये अजून बरेच आठवडे बाकी आहेत, त्यामुळे कंपनीकडून या प्लानमध्ये काही बदलही केले जाऊ शकतात, पण सर्वसाधारणपणे अॅपल आपला नवा आयफोन सप्टेंबरच्या पहिल्या आठवड्यात लाँच करत आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Apple iPhone 14 Smartphone will be launch soon check details 18 August 2022.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.