Google Pixel 7a 5G | गुगल पिक्सल 7 ए स्पेसिफिकेशन लीक, 64 MP कॅमेऱ्यासह हे फीचर्स मिळतील, जाणून घ्या डिटेल्स

Google Pixel 7a 5G | गुगल पिक्सल 7 ए गेल्या काही काळापासून चर्चेत आहे. अखेर १० मे रोजी गुगलच्या इव्हेंटमध्ये कंपनी याला लाँच करू शकते. या मिड बजेट स्मार्टफोनबद्दल काही डिटेल्स समोर आल्या आहेत. खरं तर एका टिप्सटरने या स्मार्टफोनबद्दल काही डिटेल्स जारी केल्या आहेत. मिळालेल्या माहितीनुसार, पिक्सल 7 सीरिजप्रमाणेच गुगलचा हा आगामी फोनदेखील टेन्सर 2 चिपसेटसह येणार आहे. याशिवाय यात 64 मेगापिक्सल कॅमेरा, ओएलईडी डिस्प्ले सारखे फीचर्स दिले जाऊ शकतात. जाणून घेऊया गुगलच्या या आगामी स्मार्टफोनबद्दल.

मिळू शकतात ही आश्चर्यकारक वैशिष्ट्ये
भारतीय टिप्सटर देबान रॉय यांनी पिक्सल 7 ए च्या मुख्य स्पेसिफिकेशन्सबद्दल माहिती शेअर केली आहे. टिप्सटरच्या म्हणण्यानुसार, गुगलचा हा हँडसेट 6.1 इंचाचा एफएचडी + ओएलईडी डिस्प्लेसह येऊ शकतो. याचा डिस्प्ले ९० हर्ट्झ रिफ्रेश रेटला सपोर्ट करेल. यात गुगल टेन्सर जी२ प्रोसेसर मिळेल. तसेच, एलपीडीडीआर 5 रॅम आणि यूएफएस 3.1 स्टोरेज सपोर्ट करेल.

गुगल पिक्सल ७ ए च्या मागील बाजूस ड्युअल कॅमेरा सेटअप मिळण्याची शक्यता आहे. यात ६४ मेगापिक्सलचा सोनी आयएमएक्स७८७ प्रायमरी सेन्सर, १२ मेगापिक्सलचा अल्ट्रा-वाइड कॅमेरा असेल. हा फोन अँड्रॉइड १३ ऑपरेटिंग सिस्टिमसह येऊ शकतो. यात ५ वॉट वायरलेस फास्ट चार्जिंग सपोर्ट मिळू शकतो.

टिप्सटरने स्पेसिफिकेशनसह फोनचे फोटोही शेअर केले आहेत. सेल्फी आणि व्हिडिओ कॉलिंगसाठी या फोनमध्ये १०.८ मेगापिक्सलचा कॅमेरा दिला जाऊ शकतो. पिक्सल 7 ए बद्दलच्या आधीच्या रिपोर्टनुसार, हा फोन 6 जीबी रॅम आणि 128 जीबी स्टोरेज सपोर्टसह येऊ शकतो.

Pixel 7A

• 6.1″ FHD+ 90Hz OLED
• Tensor G2 , LPDDR5 RAM, UFS 3.1
• 64MP Sony IMX787 + 12MP UW
• 5W wireless charging
• Android 13 pic.twitter.com/qGVzFQoKiZ

— Debayan Roy (Gadgetsdata) (@Gadgetsdata) March 9, 2023

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Google Pixel 7a 5G smartphone information leaked on internet check details on 14 March 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.