JioPhone 5G | जिओ 5G स्मार्टफोनची किंमत इतकी स्वस्त असणार आहे, किंमत आणि फीचर्सचा तपशील जाणून घ्या

JioPhone 5G | रिलायन्स जिओने आपल्या वार्षिक सर्वसाधारण सभेत लवकरच गुगलच्या भागीदारीत विकसित करण्यात येत असलेला अल्ट्रा-अफोर्डेबल 5G स्मार्टफोन लाँच करण्याची घोषणा केली. तेव्हापासून या फोनच्या फीचर्स आणि किंमतीबाबत अनेक प्रकारचे अंदाज बांधले जात आहेत. आता काउंटरपॉईंटने आपल्या एका रिपोर्टमध्ये दावा केला आहे की, रिलायन्स जिओच्या5G स्मार्टफोनची किंमत 8000 ते 12000 रुपयांदरम्यान असू शकते. अशी अपेक्षा आहे की जिओफोन 5G स्मार्टफोन ऑगस्ट २०२३ मध्ये लाँच होईल.

सुरुवातीला स्मार्टफोनची किंमत 5 हजार असू शकते :
असा अंदाज आहे की हा एन्ट्री-लेव्हल स्मार्टफोन असेल, जो जिओफोन नेक्स्टपेक्षा किंचित चांगला असेल. काही काळापूर्वी पीटीआयच्या एका रिपोर्टमध्ये म्हटलं होतं की, सुरुवातीला फोनची किंमत जवळपास 5000 रुपये असेल. त्याचबरोबर विक्री वाढल्याने जिओफोन 5 जी स्मार्टफोनची किंमत कमी होऊन 2500 रुपये करण्यात येणार आहे. या नव्या फोनबाबत कंपनीकडून अद्याप कोणताही खुलासा करण्यात आलेला नाही. अशा परिस्थितीत जिओफोन 5 जी स्मार्टफोनची नेमकी किंमत जाणून घेण्यासाठी तुम्हाला वाट पाहावी लागणार आहे.

स्मार्टफोनमधील फीचर्स :
जिओफोन 5 जी स्मार्टफोनच्या डिस्प्ले साइज 6.5 इंचाचा असल्याचा अंदाज आहे. फोनमध्ये १,६०० x ७२० पिक्सलच्या रिझॉल्यूशनसह आयपीएस एलसीडी डिस्प्ले मिळू शकतो. ज्याचा रिफ्रेश रेट ६० हर्ट्ज असू शकतो. फोनच्या चांगल्या परफॉर्मन्ससाठी फोनमध्ये ऑक्टा-कोर क्वालकॉम स्नॅपड्रॅगन 480 5 जी प्रोसेसर मिळेल अशी अपेक्षा आहे. तसेच या फोनमध्ये एड्रेनो ६१९ जीपीयू मिळू शकतो. फोन ४ जीबी रॅम आणि ३२ जीबी इंटरनल स्टोरेजला सपोर्ट करू शकतो.

फोटोग्राफीच्या बाबतीत, जिओफोन 5 जी मध्ये ड्युअल रिअर कॅमेरे मिळू शकतात. ज्यामध्ये प्रायमरी सेन्सर १३ एमपी आणि मॅक्रो सेन्सर २ एमपीचा असेल. सेल्फी आणि व्हिडिओ कॉलिंगसाठी ८ मेगापिक्सलचा फ्रंट कॅमेरा असू शकतो. फोनच्या सुरक्षेसाठी साइड माउंटेड फिंगरप्रिंट स्कॅनर मिळू शकतो. जे आजकाल बहुतांश बजेट रेंज फोनमध्ये उपलब्ध आहे. अशी अपेक्षा आहे की फोनची बॅटरी ५००० एमएएच असेल. हे चार्ज करण्यासाठी यूएसबी टाइप-सी टाइप पोर्टसह 18 वॉट चार्जिंग सपोर्ट मिळेल. रिपोर्टनुसार, जिओ फोन नेक्स्ट प्रमाणे जिओफोन 5 जी स्मार्टफोन देखील प्रगती ओएस ऑपरेटिंग सिस्टमवर काम करेल.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: JioPhone 5G smartphone price details 28 September 2022.