OnePlus Nord CE 4 Lite | वनप्लसचा नवीन स्वस्त स्मार्टफोन, 50MP कॅमेरा आणि 5500mAh बॅटरी, प्राईस जाणून घ्या

OnePlus Nord CE 4 Lite | वनप्लस सध्या एका नव्या स्मार्टफोनवर काम करत आहे. कंपनीच्या या आगामी फोनचे नाव वनप्लस Nord CE 4 Lite असे आहे. फोनच्या लाँचिंग डेटबाबत कंपनीकडून कोणतीही माहिती देण्यात आलेली नाही. दरम्यान, BIS अर्थात ब्युरो ऑफ इंडियन स्टँडर्ड्सवर हे दिसून आले आहे. या लिस्टिंगवरून हा फोन भारतातही लाँच होणार असल्याची पुष्टी झाली आहे. टिप्सटर संजू चौधरी यांनी हा फोन BIS वर पाहिला आहे.

लिस्टिंगनुसार फोनचा मॉडेल नंबर CPH2619 आहे. हा डिव्हाइस वनप्लस नॉर्ड सीई 4 लाइट सारखाच असल्याचा दावा केला जात आहे. लिस्टिंगमध्ये फोनच्या फीचर्स आणि स्पेसिफिकेशन्सबद्दल अधिक माहिती देण्यात आलेली नाही. हा फोन ओप्पो A3 चे रिब्रँडेड व्हर्जन म्हणून जागतिक बाजारात दाखल होऊ शकतो, असे टिप्सटरचे म्हणणे आहे.

या फीचर्ससह येऊ शकतो फोन
टिप्सटरच्या म्हणण्यानुसार, कंपनी फोनमध्ये नॉर्ड CE 3 लाइटपेक्षा बरेच चांगले फीचर्स देणार आहे. फोनमध्ये तुम्हाला एक उत्तम AMOLED पॅनेल पाहायला मिळेल. याचा आकार 6.67 इंच असू शकतो. हा डिस्प्ले फुल एचडी+ रिझोल्यूशनसह येईल आणि तो 120Hz च्या रिफ्रेश रेटला सपोर्ट करू शकतो. कंपनी हा फोन 12 जीबी पर्यंत रॅम आणि 256 जीबीपर्यंत इंटरनल स्टोरेज पर्यायासह लाँच करू शकते. प्रोसेसर म्हणून यात स्नॅपड्रॅगन 6 जेन 1 चिपसेट पाहायला मिळेल.

फोटोग्राफीसाठी कंपनी या फोनमध्ये एलईडी फ्लॅशसह तीन कॅमेरे देऊ शकते. यामध्ये 2 मेगापिक्सलसेकंडरी लेन्ससह 50 मेगापिक्सलचा मेन लेन्स असू शकतो. तर सेल्फीसाठी कंपनी या फोनमध्ये 16 मेगापिक्सलचा फ्रंट कॅमेरा देणार आहे. फोनची बॅटरी 5500mAh ची असू शकते, जी 33 वॅट फास्ट चार्जिंगला सपोर्ट करेल. ओएसबद्दल बोलायचे झाले तर फोन लेटेस्ट OxygenOS वर काम करेल. याची किंमत सुमारे 25 हजार रुपये असू शकते.

News Title : OnePlus Nord CE 4 Lite Price in India check details 05 May 2024.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.