Samsung Galaxy S23 5G | लाँचिंगपूर्वी सॅमसंग गॅलॅक्झी S23 5G बद्दल महत्वाची माहिती लीक, तगडे फीचर्स अन बरंच काही

Samsung Galaxy S23 5G | दक्षिण कोरियाची टेक जायंट सॅमसंग येत्या काही आठवड्यात आपली सॅमसंग गॅलेक्सी एस २३ सीरिज जागतिक बाजारात (भारतसह) लाँच करणार आहे. मात्र, लाँचिंगपूर्वीच सीरिजचे बेस मॉडेल गॅलेक्सी एस २३चे नवे प्रेस मटेरियल लीक झाले असून, त्यात या आगामी स्मार्टफोनच्या डिझाइनसोबत नवा ‘मिस्टिक लिलॅक’ (Mystic Lilac) कलर ऑप्शनही समोर आला आहे. लीक झालेल्या रेंडर्समध्ये सॅमसंग गॅलेक्सी एस 23 चार वेगवेगळ्या रंगात पाहायला मिळत आहे. चला तर मग आगामी सॅमसंग गॅलेक्सी एस२३ चे डिझाईन, रंग आणि इतर तपशील बारकाईने पाहूया.

लीक झालेले रंग आणि डिझाईन्स
Winfuture.de एका रिपोर्टनुसार, सॅमसंग गॅलेक्सी एस 23 चे मागील आणि पुढील दोन्ही भाग पूर्णपणे फ्लॅट डिझाइन आहेत. फोनच्या मागील बाजूस एलईडी फ्लॅशसह तीन गोलाकार कॅमेरा कटआउट्स दिसत आहेत. याचा फ्रंट कॅमेरा स्क्रीनच्या वरच्या मध्यभागी एका छोट्या छिद्रात देण्यात आला आहे आणि डिस्प्लेच्या भोवती अत्यंत पातळ बेझेलचा समावेश आहे.

सध्याच्या अॅपल आयफोनच्या तुलनेत सॅमसंगच्या फोनच्या हाऊसिंग फ्रेममध्ये थोडा कर्व्ह आहे, त्यामुळे फोन पकडणं सोपं जातं, असंही इमेजेसमधून दिसतं. डिव्हाइसचे मागील पॅनेल काचेचे बनविलेले असू शकते आणि फ्रेम धातूपासून बनविली जाऊ शकते. तसेच, हा आगामी स्मार्टफोन फँटम ब्लॅक, कॉटन फ्लॉवर, बोटॅनिक ग्रीन आणि नवीन मिस्टिक लिलॅकसह चार कलर ऑप्शनमध्ये येईल, जे यापूर्वी काही टिप्स्टर्सच्या माध्यमातून सूचित केले गेले आहे, असे या अहवालात म्हटले आहे.

लाँच डेट आणि फीचर्स
आगामी सॅमसंग गॅलेक्सी एस २३ सिरीजमध्ये सॅमसंग गॅलेक्सी एस २३, सॅमसंग गॅलेक्सी एस २३+ आणि सॅमसंग गॅलेक्सी एस २३ अल्ट्रा या तीन स्मार्टफोन्ससह येणार आहेत. हे स्मार्टफोन 1 फेब्रुवारी 2023 रोजी लाँच होणार आहेत. कंपनीने भारतीय खरेदीदारांकडून प्री-ऑर्डर घेण्यास सुरुवात केली आहे. ज्या ग्राहकांना सॅमसंग आवडतो किंवा सॅमसंग गॅलेक्सी एस 23 सिरीजचे स्मार्टफोन खरेदी करण्यास इच्छुक आहेत ते आता प्री-ऑर्डर करू शकतात आणि अतिरिक्त नफा मिळवू शकतात.

सॅमसंग गॅलेक्सी एस २३ मध्ये ६.१ इंचाची एफएचडी+ स्क्रीन येण्याची शक्यता आहे, जी १२० हर्ट्ज रिफ्रेश रेट देते. असा विश्वास आहे की हा स्मार्टफोन ट्रिपल रियर कॅमेरा सेटअपसह येऊ शकतो, ज्यामध्ये 50 एमपी प्रायमरी कॅमेरा, 12 एमपी वाइड-अँगल सेन्सर आणि 10 एमपी टेलिफोटो सेन्सरचा समावेश असेल. हा आगामी स्मार्टफोन स्नॅपड्रॅगन ८ जेन २ चिपसेटसह सुसज्ज असू शकतो जो १६ जीबी रॅम आणि २५६ जीबी इंटरनल स्टोरेजसह जोडला जाऊ शकतो.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Samsung Galaxy S23 5G price in India check details on 13 January 2023.