गुजरातमध्ये भरधाव ट्रकखाली चिरडून फूटपाथवर झोपलेल्या १३ मजुरांचा मृत्यू

सुरत, १९ जानेवारी: गुजरातमधील सुरतमध्ये आज मध्यरात्रीच्या सुमारास झालेल्या भीषण अपघातामध्ये अनेक मजुरांचा मृत्यू झाला आहे. रात्री सुरत जिल्ह्यातील कोसांम्बा येथे झालेल्या एका अपघातामध्ये काही मजूर चिरडले गेले असून त्यापैकी १३ जणांचा जागीच मृत्यू झाल्याचे वृत्त आहे. पीटीआय या वृत्तसंस्थेने स्थानिक पोलिसांच्या हवाल्याने दिलेल्या वृत्तानुसार मरण पावलेले सर्वजण हे मजूर आहेत.

13 labourers crushed to death by truck in Gujarat’s Surat district: Police

— Press Trust of India (@PTI_News) January 19, 2021

ऊसाची वाहतूक करणारा ट्रक अतिशय वेगात पुढे जात असल्याने चालकाचे गाडीवरील नियंत्रण सुटले. त्यामुळे, गाडी नियंत्रणात न आल्याने रस्त्याच्या कडेला जाऊन तो ट्रक झोपलेल्या मजूरांच्या अंगावर गेला. या भीषण अपघातात मृत्युमुखी पडलेले लोक मजूरीचं काम करत असून सर्वचजण राजस्थानच्या बांसवाडा जिल्ह्यातील कुशलगडचे रहिवाशी असल्याची माहिती पोलिसांनी दिली. दरम्यान, याप्रकरणी पोलिसांनी चौकशी सुरु केली आहे.

१८ जणांपैकी १३ जणांचा मृत्यू जागच्याजागीच झाला, यानंतर सगळ्यांना जवळच्याच रुग्णालयामध्ये नेण्यात आलं. या अपघातात ५ जण जखमी झाले आहेत, या सगळ्यांना स्विमेर रुग्णालयात आयसीयूमध्ये ठेवण्यात आलं आहे.दरम्यान, या अपघातात मृत्यू झालेल्या मजुरांच्या नातेवाईकांना २ लाख रुपये आणि जखमींना ५० हजार रुपयांची मदत देण्यात येईल, असं ट्विट पंतप्रधान कार्यालयाकडून करण्यात आलं आहे.

News English Summary: Several workers were killed in a tragic accident in Surat, Gujarat, around midnight today. Some workers were crushed in an accident at Kosamba in Surat district last night and 13 of them died on the spot. According to a report by PTI quoting local police, all the dead were laborers.

News English Title: Truck crushed workers sleeping on the side of the road in Surat killing 14 people news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.