Health First | जाणून घ्या मूळव्याध्याची कारणे आणि त्यावरील उपचार

मुंबई २६ मे : मूळव्याधीचा त्रास हा वेदनादायी आणि इम्बॅरेसिंग असल्याने त्याबद्दल खुलेपणाने फारसे बोलले जात नाही. खाण्या-पिण्याच्या हानीकारक सवयींमुळे मूळव्याधीचा त्रास अचानक जाणवतो आणि अल्पावधीतच त्रासदायक होऊन जातो. शौचाच्या वेळेस तीव्र वेदना होण्यासोबतचरक्त पडण्याची समस्या वेळीच उपचार न केल्यास अधिक गंंभीर होऊ शकते. त्यामुळे मूळव्याधीचा त्रास जाणवत असल्यास डॉक्टरांचा सल्ला घ्या

मूळव्याध होण्याची कारणे:

मूळव्याध नक्की कशामुळे होतो हे सांगणे कठीण असते. गुदद्वाराजवळील रक्तवाहिन्यांमधील दाब वाढला की हा त्रास होतो असे दिसून येते. दाब वाढल्यामुळे रक्तवाहिन्या फुगतात व सुजतात.

मूळव्याध होण्याचा धोका खालील कारणांमुळे वाढू शकतो:

1. अतिरिक्त वजन किंवा स्थूलपणा
2. आहारामध्ये तंतुमय पदार्थांचा अभाव व त्यामुळे सतत बद्धकोष्ठ असणे.
3. दीर्घकालीन जुलाब
4. सतत जड वस्तू उचलणे
5. सतत खोकला किंवा वारंवार उलट्या
6. बैठी जीवनशैली
7. गर्भावस्था – बाळाच्या जन्मानंतर बरेचदा रक्तस्त्राव थांबतो.

४५ वर्षापेक्षा जास्त वय:
जसे जसे वय वाढत जाते तसे तसे शरीराचे स्नायू, रक्तवाहिन्या व आधार देणारे इतर अनेक घटक कमकुवत होत जातात आणि मूळव्याध होण्याचा धोका वाढत जातो.

अनुवंशिकता
मूळव्याधीवरील उपचार:

मूळव्याधीचा त्रास बरेचदा कोणत्याही उपचाराशिवाय काही दिवसात बरा होतो. परंतु गुदद्वाराजवळील खाज आणि अस्वस्थता कमी करण्यासाठी अनेक उपचार पद्धती उपलब्ध आहेत.

सर्वप्रथम आहारातील बदल आणि शौचाच्या वेळी जोर न करणे हे सांगितले जाते.

आहारातील बदल व स्वतः घ्यायची काळजी:

आपल्याला होणारा मूळव्याधीचा त्रास बद्धकोष्ठामुळे असेल तर शौच नियमित व सुलभ होणे आवश्यक आहे. यामुळे शौचाच्या वेळी जोर करावा लागणार नाही.

* यासाठी आहारातील तंतुमय पदार्थांचे प्रमाण हळूहळू वाढवावे – फळे, पालेभाज्या, कोशिंबिरी, सुकामेवा, कडधान्ये इ. पदार्थ तंतुमय पदार्थांचे स्रोत आहेत.

* भरपूर प्रमाणात द्रवपदार्थ, विशेषत: पाणी प्यावे. अतिरिक्त प्रमाणात चहा व कॉफीचे सेवन टाळावे. मद्यपान टाळावे.

शौचाच्या वेळी खालील काळजी घ्यावी:

* शौचाच्या वेळी कुंथू नये / जोर करु नये
.
* शौचानंतर मऊ toilet paper वापरावा.

* शौचानंतरची स्वच्छता हळुवारपणे करावी.

News English Summary: Hemorrhoids are painful and embarrassing and are not talked about much. Harmful eating and drinking habits can lead to sudden onset of hemorrhoids and short-term hemorrhoids. Acute pain during defecation can be exacerbated if left untreated. So consult a doctor if you are suffering from hemorrhoids

News English Title: Do home remedies for piles or hemorrhoids news update article