Health First | दिवसांतून २ अंड्यांपेक्षा जास्त अंडी खाणं आरोग्यास घातक

मुंबई, २५ फेब्रुवारी: आहारात अंड्यांचा समावेश करावा असं आवर्जून सांगितलं जातं. अंड्यामध्ये मोठ्या प्रमाणात प्रथिनं असतात. मात्र कोणत्याही गोष्टींचा अतिरेक हा नेहमीच आरोग्यासाठी घातक असतो. दिवसांतून दोन अंड्यांपेक्षाही अधिक अंडी खाणं हे आरोग्यासाठी धोकादायक असतं असं नुकतंच एका संशोधनातून समोर आलं आहे. यामुळे लवकर मृत्यू होणं किंवा हृदय विकार संबधीत समस्या निर्माण होण्याचा धोका अधिक असतो.

अमेरिकेतल्या ३० हजारांहून अधिक व्यक्तीचं आरोग्य, जीवनशैली आणि आहार यांचा अभ्यास करून हा निष्कर्ष काढण्यात आला आहे. अमेरिकन मेडिकल असोशिएशनच्या मासिकात अंड्यांसंबधी हे संशोधन प्रकाशित करण्यात आलं आहे.

मर्यादेपेक्षाही अधिक अंड्यांच्या सेवनानं कोलेस्टेरॉलचं प्रमाण वाढतं याचा परिणाम तब्येतीवर होतो अशी माहिती प्राध्यापक कॅथरिन टुकर यांनी दिली. अमेरिकेतल्या कृषी विभागाच्या माहितीनुसार एका मोठ्या अंड्यात २०० मिलीग्रॅम कोलेस्टेरॉल असतं. जर दिवसांतून ३०० मिलीग्रॅमहून अधिक कोलेस्टेरॉल पोटात गेलं तर हृदयविकारासंबधित आजाराचा धोका हा १७ % नीं वाढतो. तर मृत्यूचा धोका हा १८ % नीं वाढतो.

त्यामुळे दिवसांतून तीन पेक्षा अधिक अंड्यांचा समावेश आहारात करणं टाळावा त्याचप्रमाणे आहार हा नेहमी संतुलित असावा असा सल्ला कॅथरिन यांनी दिला आहे.

News English Summary: Eggs should be included in the diet. Eggs are high in protein. But the excess of anything is always harmful to health. According to a recent study, eating more than two eggs a day is dangerous to health. This increases the risk of premature death or heart problems.

News English Title: Eating more than 2 eggs a daily can increase the risk of death news updates.