रामदेव बाबांच्या पतंजलीला राज्यात दणका | 'कोरोनिल'च्या विक्रीस महाराष्ट्रात बंदी

मुंबई, २३ फेब्रुवारी: योग गुरु बाबा रामदेव यांनी 19 फेब्रुवारीला कोरोनाचे औषध ‘कोरोनिल’ लॉन्च केले होते. कार्यक्रमात केंद्रीय मंत्री डॉ. हर्षवर्धन आणि नितिन गडकरी उपस्थित होते. हे औषध आता बाजारातही उपलब्ध झाले आहे. पण, महाराष्ट्रात या औषधाच्या विक्रीवर बंदी घालण्यात आली आहे. यामुळे पतंजलीला मोठा धक्का बसला आहे.

पतंजलीच्या कोरोनिल औषधाच्या वैद्यकीय चाचणीवर इंडियन मेडिकल असोसिएशनने प्रश्न उपस्थित केले असून जागतिक आरोग्य संघटनेने सुद्धा हे औषध कोरोनावर परिणामकारक असल्याचा पतंजली आयुर्वेदचा चुकीचा दावा फेटाळला आहे. इतक्या घाईने हे औषध बाजारात आणणं आणि दोन ज्येष्ठ केंद्रीय मंत्र्यांनी याला समर्थन देणं योग्य नाही असं अनिल देशमुख यांनी म्हटलं आहे.

#WHO, #IMA व इतर संबंधित सक्षम आरोग्य संस्थांकडून योग्य प्रमाणीकरण झाल्याशिवाय पतंजलीच्या #Coronil औषध विक्रीस महाराष्ट्रात परवानगी दिली जाणार नाही.
(२/२)

— ANIL DESHMUKH (@AnilDeshmukhNCP) February 23, 2021

राज्याचे गृहमंत्री अनिल देशमुख यांनी ट्विट करून कोरोनिलच्या बंदीबाबत माहिती दिली. ते म्हणाले की, ‘पतंजलीच्या #Coronil औषधाच्या वैद्यकीय चाचणीवर #IMA ने प्रश्न उपस्थित केले आहेत. #WHO ने सुद्धा हे औषध कोरोनावर परिणामकारक असल्याचा पतंजली आयुर्वेदचा चुकीचा दावा फेटाळला आहे. इतक्या घाईने हे औषध बाजारात आणण आणि दोन ज्येष्ठ केंद्रीय मंत्र्यांनी याला समर्थन देणं योग्य नाही.’

‘#WHO, #IMA व इतर संबंधित सक्षम आरोग्य संस्थांकडून योग्य प्रमाणीकरण झाल्याशिवाय पतंजलीच्या #Coronil औषध विक्रीस महाराष्ट्रात परवानगी दिली जाणार नाही,’ अशी माहिती त्यांनी दिली.

News English Summary: Corona’s drug ‘Coronil’ was launched on February 19 by yoga guru Baba Ramdev. Union Minister Dr. Harshvardhan and Nitin Gadkari were present. The drug is now available in the market. However, the sale of this drug has been banned in Maharashtra. This has come as a big shock to Patanjali.

News English Title: The sale of Patanjali Coronil drug has been banned in Maharashtra news updates.