घसा खवखवणं म्हणजे केवळ कोरोनाचं लक्षण नव्हे | वाचा सविस्तर

नवी दिल्ली, १४ ऑक्टोबर : भारतात गेल्या २४ तासात ६३ हजार ५०९ नवे करोना रुग्ण आढळले असून ७३० जणांचा मृत्यू झाला आहे. यासोबत देशातील करोनाबाधित रुग्णसंख्या ७२ लाख ३९ हजार ३९० वर पोहोचली आहे. देशात सद्या ८ लाख २६ हजार ८७६ अॅक्टिव्ह रुग्ण आहे. ६३ लाख १ हजार ९२८ जणांना उपचारानंतर घरी सोडण्यात आलं आहे. तर करोनामुळे मृत्यू झालेल्याची संख्या १ लाख १० हजार ५८६ इतकी झाली आहे.

मंगळवारी ६० हजारापेक्षा कमी रुग्णांची नोंद झाली होती. देशात सलग सहाव्या दिवशी ७५ हजारांपेक्षा कमी रुग्णांची नोंद झाली आहे. महत्वाची बाब म्हणजे मृत्यू होणाऱ्या रुग्णांची संख्याही घटताना दिसत आहे. सलग १० व्या दिवशी एक हजारापेक्षा कमी मृत्यूंची नोंद झाली आहे.

दरम्यान, मागील सहा महिन्यांमध्ये लाखो रुग्णांचा कोरोनामुळे मृत्यू झाला आहे. या आजाराची विविध लक्षणं समोर आली आहेत. अजूनही वेगवेगळी लक्षणं समोर येत आहेत. यामध्ये घसा खवखवणं हे कोरोनाचं लक्षण आहे की नाही हे अजूनही सिद्ध झालेलं नाही. मात्र लोकांच्या मनात घसा खवखवण्यावरून मोठा संभ्रम असल्याचं समोर आलं होतं.

जागतिक आरोग्य संघटनेनं या आजाराची विविध लक्षणं समोर आणली असून घसा खवखवणं देखील यामधील एक लक्षण आहे. पण खरंच घसा खवखवण्याचा कोरोनाशी संबंधित आहे का ? हा महत्त्वाचा प्रश्न आहे. नुकतंच चीनमध्ये केलेल्या अभ्यासात 55 हजार रुग्णांपैकी केवळ 14 टक्के कोरोना रुग्णांमध्ये घसा खवखवणं हे लक्षण आढळून आलं. अमेरिकेतील Centres for Disease Control and Prevention च्या म्हणण्यानुसार प्रत्येक रुग्णाचे शरीर वेगळे आहे. त्यामुळे प्रत्येकाला वेगवेगळी लक्षणे आढळून येतात. त्यामुळे घसा खवखवणं प्रत्येक रुग्णामध्ये आढळून येत नाही.

त्याचबरोबर घसा खवखवणं म्हणजे केवळ कोरोना पॉझिटिव्ह असणं असं होत नाही. यामध्ये तुम्हाला इतर आजार असला तरीही तुम्हाला ही लक्षणं दिसू शकतात.यामध्ये थंडी, ताप, टॉन्सिल्स यासारख्या आजारामुळे देखील घशामध्ये खवखव जाणवते. खोकला हा सामान्य आजार असून कोरोनाचा काही संबंध नसल्याचं म्हटलं जात आहे. परंतु, सर्वांत महत्त्वाचं म्हणजे तुम्हाला कोरोनाची इतर कोणतीही लक्षणं किती तीव्रपणे जाणवत असतील, तर तुम्हाला टेस्ट करायला हवी असं देखील म्हटलं आहे.

News English Summary: The World Health Organization (WHO) has identified various symptoms of the disease, including sore throat. But is sore throat really related to corona? This is an important question. A recent study in China found that sore throats were a symptom in only 14 percent of 55,000 patients. According to the Centers for Disease Control and Prevention in the United States, every patient’s body is different. So everyone gets different symptoms. Therefore, sore throat is not found in every patient.

News English Title: Throat infection is not confirmed symptom of coronavirus  News Updates.