Eknath Shinde | एकनाथ शिंदे महाराष्ट्राचे मुख्यमंत्री होणार | फडणवीस बाहेरून नियंत्रण ठेवतील

Eknath Shinde | विधान परिषद निवडणुकीच्या निकालानंतर शिवसेनेविरोधात बंडाचा झेंडा फडकवणारे एकनाथ शिंदे दहा दिवसांनंतर मुंबईत दाखल झाले. विमानतळावर उतरल्यानंतर शिंदे यांनी देवेंद्र फडणवीस यांची भेट घेतली आणि आता हे दोन्ही नेते राजभवनात पोहोचले आहेत.

शिवसेनेच्या ३९ आमदारांनी बंडखोरी :
महाविकास आघाडीतून माघार घेण्याच्या मागणीसाठी शिवसेनेच्या ३९ आमदारांनी बंडखोरी केली. गेल्या 10 दिवसांपासून हे आमदार राज्याबाहेर आहेत. बुधवारी सर्व आमदार गुवाहाटीहून गोव्यात पोहोचले. त्यानंतर राज्यातील ठाकरे सरकार पडले.

उद्धव ठाकरे यांच्या राजीनाम्यानंतर एकनाथ शिंदे आज मुंबईत दाखल झाले. मुंबई विमानतळावर आल्यानंतर एकनाथ शिंदे थेट आदित्य ठाकरे यांच्या संसदीय मतदारसंघातील वरळी येथील विरोधी पक्षनेते देवेंद्र फडणवीस यांच्या सागर बंगल्यावर गेले.

दोन्ही नेत्यांनी राजभवनात प्रवेश केला :
सागर बंगला येथे आशिष शेलार यांनी एकनाथ शिंदे यांचे स्वागत केले. त्यानंतर देवेंद्र फडणवीस आणि एकनाथ शिंदे यांची भेट झाली. त्यानंतर दोन्ही नेत्यांनी राजभवनात प्रवेश केला. दोन्ही नेत्यांनी राज्यपालांची भेट घेतली आहे.

आज संध्याकाळी साडेसात वाजता शिंदे यांचा एकट्याचा शपथविधी :
आज संध्याकाळी साडेसात वाजता एकनाथ शिंदे यांचा एकट्याचा शपथविधी होईल. लवकरच पुढची कारवाई करुन आम्ही मंत्रिमंडळ विस्तार करु. यामध्ये शिवसेना आणि भाजपचे आमदार येतील. मी स्वत: बाहेर असेन, पण हे सरकार चाललं पाहिजे ही जबाबदारी माझी असेल”, अशी घोषणा देवेंद्र फडणवीस यांनी केली.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Eknath Shinde will become Chief Minister of Maharashtra check details 30 June 2022.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.