KCR Politics | विरोधकांच्या बैठकीच्या दिवशी केसीआर पुत्र आणि अमित शहांची भेट, महाविकास आघाडीची मतं फोडण्याची योजना

KCR Politics | तेलंगणाचे मुख्यमंत्री केसीआर यांनी नुकतेच विरोधकांच्या ऐक्यासाठी प्रयत्न केले होते आणि आपला चेहरा देशव्यापी बनण्याच्या उद्देशाने आपल्या पक्षाचे नाव टीआरएसवरून बीआरएस म्हणजेच भारत राष्ट्र समिती असे बदलले होते. पण तेलंगणात काँग्रेसचे वारे वाहू लागल्याने आता त्यांची रणनीती बदललेली दिसते आणि त्यांच्या एकूण राजकीय हालचाली भाजपाची ‘बी टीम’ असल्याप्रमाणे आहेत.

एकेकाळी बिहारपासून महाराष्ट्रापर्यंत विरोधकांच्या एकतेचा प्रयत्न करणाऱ्या केसीआर यांनी २३ तारखेला पाटण्यातील सभेच्या दिवशीच आपला मुलगा केटीआर यांना अमित शहा यांच्या भेटीसाठी दिल्लीला पाठवले. मात्र विरोधकांच्या बैठकीमुळे माध्यमांवर याची जास्त झाली नव्हती. आता KCR यांच्या कुटुंबातील सदस्यांविरोधातील ED हालचाली देखील मंदावल्या आहेत. त्यामुळे KCR आता तेलंगणाबाहेर भाजपसाठी काम करत असून, त्यांची तेलंगणामध्ये भाजपसोबत राजकीय सेटलमेंट झाल्याची चर्चा तेलंगणातील स्थानिक माध्यमांकडे रंगली आहे.

महाराष्ट्रात BRS पक्षाचा फारसा प्रभाव पडणार नसला तरी महाविकास आघाडीची आगामी निवडणुकीत मतं खाण्यासाठी त्यांनी भाजपसोबत छुपी रणनीती आखली असल्याची चर्चा सुरु झाली आहे. त्यासाठी मराठवाडा आणि विदर्भातील स्थानिक पक्षातील मागे फेकले गेलेले नेते त्यांच्या रडारवर असून केवळ महाविकास आघाडीची मतं फोडणं हाच त्यांचा उद्देश असल्याचं म्हटलं जातंय. त्यात प्रकाश आंबेडकर यांच्यावर नेहमीच भाजपाची बी टीम असा आरोप होतं असताना ते देखील KCR यांच्यासोबत बैठका घेत असल्याने यामागे कोण आहे हे समजू शकतं.

केसीआर यांच्या या भूमिकेकडे विरोधकांच्या ऐक्याला धक्का म्हणून पाहिले जात असले तरी काँग्रेसला यांची आधीच कल्पना होती. तेलंगणात काँग्रेसची हवा असल्याने KCR तितकेच दबावाखाली देखील आहेत. तेलंगणात अनेक मोठे नेते काँग्रेसमध्ये प्रवेश करत आहेत. तेलंगणा हातून गेल्यास त्यांचं राजकीय अस्तित्व धोक्यात येईल असं त्यांना वाटू लागल्याने त्यांच्या काँग्रेसविरोधी हालचाली अधिक वाढल्या आहेत. पण तेलंगणा काँग्रेस देखील KCR यांना सत्तेतून पायउतार करण्यासाठी मोठी तयारी करत असून स्वतः राष्ट्रीय अध्यक्ष खर्गे आणि राहुल गांधी यावर नजर ठेऊन आहेत.

मंगळवारी महाराष्ट्रात येत असून राष्ट्रवादीचे नेते भगीरथ भालके यांना पक्षात घेणार आहेत. खुद्द मुख्यमंत्र्यांनी महाराष्ट्रात येऊन एका नेत्याला प्रवेश दिल्याने महाविकास आघाडीच्या नेत्यांनी तिखट प्रतिक्रिया दिली होती. संजय राऊत म्हणाले की, केसीआर भाजपसाठी काम करत आहेत. यापूर्वीही महाराष्ट्र दौऱ्यावर आलेल्या केसीआर यांनी काँग्रेस आणि राष्ट्रवादीच्या अनेक नेत्यांना आकर्षित करण्याचा प्रयत्न केला होता.

KCR यांच्या केंद्रस्थानी मराठवाड्यातील चंद्रपूर, औरंगाबाद, नांदेड, लातूर अशा भागात अधिकाधिक नेत्यांना आपल्याशी जोडण्याचा त्यांचा प्रयत्न आहे. यावरून राष्ट्रवादी काँग्रेसही संतापली आहे. भाजपचे प्रदेशाध्यक्ष जयंत पाटील म्हणाले की, केसीआर यांना महाराष्ट्रात येऊन भाजपच्या विरोधात मतविभागणी करायची होती. इतकंच नाही तर तेलंगणातील शेतकऱ्यांची स्थिती महाराष्ट्रापेक्षा चांगली आहे, असं म्हणत ते अनेकदा राज्यात शिरण्याचा प्रयत्न करताना दिसतात. ‘अबकी बार, किसान सरकार’चा नारा देत ते म्हणतात की, महाराष्ट्रापेक्षा तेलंगणात पिकांना जास्त भाव मिळतो.

शेतकरी तेलंगणात गेले तर त्यांना वस्तुस्थिती कळेल – शरद पवार
केसीआर यांच्या दाव्यावर प्रश्नचिन्ह उपस्थित करताना खुद्द शरद पवार म्हणाले की, महाराष्ट्रापेक्षा तेलंगणात शेतकऱ्यांना कांद्याचे दर जास्त मिळत आहेत, अशी बरीच प्रसिद्धी झाली. या मोहिमेमुळे अनेक शेतकरी तेलंगणात गेले असता महाराष्ट्रापेक्षा कमी भाव मिळत असल्याचे निदर्शनास आले. अशा प्रकारे ते फसवणूक झाल्यासारखे वाटून परतले.

News Title : KCR Politics against MVA check details on 27 June 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.