Manipur Violence | भाजपाची सत्ता असलेल्या मणिपूरमध्ये क्रूरतेचा उच्चांक, आता 80 वर्षीय महिलेला जिवंत जाळले, मुलाचा पंतप्रधानांवर संताप

Manipur Violence | मणिपूरच्या मातीतून वाईट कथा येत राहतात. आता मे महिन्याच्या अखेरीस एक घटना घडली आहे, जिथे एका 80 वर्षीय महिलेला तिच्या घरात जिवंत जाळण्यात आल्याची माहिती दिली जात आहे. आता पीडितेच्या मुलाने या घटनेबाबत पंतप्रधान नरेंद्र मोदी यांना प्रश्न विचारला आहे. राज्यात दोन महिलांना नग्न अवस्थेत फिरवल्याचा व्हिडिओ यापूर्वीच समोर आला होता. या प्रकरणी आतापर्यंत सहा जणांना अटक करण्यात आली आहे.

मीडिया रिपोर्टनुसार, 28 मे रोजी कांकचिंग जिल्ह्यातील सेरो गावात 80 वर्षीय विधवा महिलेला जिवंत जाळण्यात आले होते. त्यांचा मुलगा डॉ. एस. इबोमचा यांनी सांगितले की, त्यांची आई वयामुळे पळून जाऊ शकली नाही. “त्यामुळे त्यांनी मागे थांबून आम्हाला पळून जाण्याची सूचना केली. आम्ही परत आलो तेव्हा आम्हाला त्याचा जळालेला मृतदेह दिसला. हल्लेखोरांनी त्याला घरात कोंडून पेटवून दिले अशी त्यांनी माध्यमांना माहिती दिली.

पीएम नरेंद्र मोदी यांना सवाल
इबोमचा हे मणिपूर पीपल्स पार्टीचे माजी उपाध्यक्ष ही राहिले आहेत. आपल्या आईला त्यांच्याच घरात जिवंत जळालं आहे त्यावर आता पंतप्रधान काय म्हणतील? आजीला वाचवण्याच्या प्रयत्नात इबोमचाच्या पुतण्यालाही गोळी लागल्याची माहिती आहे. मात्र सुरक्षा दलांच्या कारवाईत सेरो बाजारमध्ये एका गुंडाचा खात्मा करण्यात आला आहे.

मणिपूर सरकार मैतेई लोकांना त्यांच्याच भूमीवर निर्वासित म्हणून ठेवण्याचा विचार करत आहे का? स्वत:च्या ठिकाणी पुरेसे सुरक्षा दल पुरवून मैतेई लोकांचे रक्षण करू शकत नसेल तर असं सरकार काय करायचं आहे?

वडील स्वातंत्र्यसैनिक
इबोमचा यांचे वडील सोरखिबाम चुराचन मैतेई यांनीही भारताच्या स्वातंत्र्य लढ्यात भूमिका बजावली होती. सिलहट (आताचा बांगलादेश) येथे जन्मलेल्या सोरखेबाम यांनी १९३१ ते १९३२ दरम्यान नो टॅक्स चळवळ आणि १९४२ मधील भारत छोडो आंदोलनातही सक्रिय भूमिका बजावली. २००४ मध्ये तत्कालीन राष्ट्रपती एपीजे अब्दुल कलाम यांच्या हस्ते त्यांना पदकही देण्यात आले होते.

News Title : Manipur Violence 80 year old woman burnt alive in violence check details on 24 July 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.