भाजपाची डोकेदुखी वाढली | सिसोदियांवरील CBI कारवाई, केजरीवाल यांच्या थेट गुजरातमध्ये पत्रकार परिषदा आणि सभा

Gujarat Assembly Election 2022 | दिल्लीचे उपमुख्यमंत्री मनीष सिसोदिया यांना केंद्रीय अन्वेषण विभागाने (सीबीआय) अटक केली आहे. मुख्यमंत्री अरविंद केजरीवाल यांनी पुन्हा एकदा भाजप आणि केंद्र सरकारवर निशाणा साधला आहे. गुजरातला पोहोचलेल्या अरविंद केजरीवाल यांनी मनीष सिसोदिया यांच्याबद्दल सांगितलं की, दिल्लीच्या शिक्षणात सुधारणा करण्यासाठी ज्या व्यक्तीने एवढं काम केलं, त्या व्यक्तीवर सीबीआयकडून धाडी टाकण्यात येत आहेत, तर त्याला भारतरत्न मिळायला हवा. अरविंद केजरीवाल म्हणाले की, देशाच्या शिक्षणासाठी मनीष सिसोदियांसारख्या लोकांची गरज आहे.

प्रचारासाठी गुजरातमध्ये दाखल झालेल्या अरविंद केजरीवाल यांनी मनीष सिसोदिया यांची बाजू मांडताना म्हटलं की, मनीष सिसोदिया यांनी दिल्लीच्या शाळा पूर्णपणे बदलल्या. ही अशी गोष्ट आहे जी ७० वर्षांतही कोणताही पक्ष करू शकला नाही. अशा व्यक्तीला भारतरत्न मिळाला पाहिजे. संपूर्ण देशाच्या शिक्षणाची कमान मनीष सिसोदिया यांच्याकडे सोपवली पाहिजे. जेणेकरून शिक्षणपद्धतीत बदल होऊन देशाचा फायदा होईल. कारण त्यांनी दिल्लीत काय केलं, याकडे साऱ्या जगाचं लक्ष आहे.

यानंतरही त्यांच्यावर ईडी आणि सीबीआयचा वापर केला जात आहे. अरविंद केजरीवाल आणि आम आदमी पार्टी गुजरातच्या विधानसभा निवडणुकीची तयारी करत आहेत. गुजरातमध्ये भाजपला पराभूत करण्याची क्षमता आम आदमी पक्षाकडे आहे, त्यामुळेच सीबीआयचा छापा टाकला जात असल्याचा अरविंद केजरीवाल यांचा दावा आहे.

He (Manish Sisodia) reformed govt schools which other parties could not do in 70 years. Such a person should get Bharat Ratna. The entire country’s education system should be handed over to him, but instead, they conducted CBI raids on him: Delhi CM Arvind Kejriwal in Gujarat pic.twitter.com/jl3X6YnUUV

— ANI (@ANI) August 22, 2022

कथित दारू घोटाळ्याप्रकरणी मनीष सिसोदिया यांच्याविरोधात गुन्हा दाखल करण्यात आला आहे. सीबीआयने मनीष सिसोदिया आणि इतर १५ जणांविरोधात गुन्हा दाखल केला आहे. या प्रकरणावरून भाजप आम आदमी पार्टी आणि अरविंद केजरीवाल यांच्यावर हल्लाबोल करत आहे. ही बाब आता चांगलीच चिघळत चालली आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Manish Sisodia should get Bharat Ratna but they conducted CBI raids on him see details 22 August 2022.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.