Pulwama Attack | देशात खळबळ! पुलवामा हल्ला आणि 2019 मधील लोकसभा निवडणुक, माजी राज्यपालांनी मोदींबद्दल धक्कादायक माहिती दिली

Pulwama Attack | जम्मू-काश्मीरचे माजी राज्यपाल सत्यपाल मलिक यांनी पंतप्रधान नरेंद्र मोदी यांच्या भ्रष्टाचाराबाबतच्या भूमिकेबाबत धक्कादायक खुलासा केला आहे. ‘द वायर’ला दिलेल्या मुलाखतीत मलिक म्हणाले की, “मी खात्रीने सांगू शकतो की पंतप्रधानांसाठी भ्रष्टाचार मोठी समस्या नाही”. या वक्तव्यामुळे मोदी सरकार, भारतीय जनता पक्ष आणि जम्मू-काश्मीरमध्ये राजकीय उलथापालथ होण्याची शक्यता आहे.

जवानांची मागणी फेटाळली होती
फेब्रुवारी २०१९ मध्ये पुलवामा दहशतवादी हल्ला आणि त्याच वर्षी ऑगस्टमध्ये कलम ३७० रद्द करण्यात आले तेव्हा मलिक राज्यपाल होते. पुलवामा हल्ला हाताळण्यात भारतीय यंत्रणा, विशेषत: सीआरपीएफ आणि गृह मंत्रालय अकार्यक्षम आणि हलगर्जीपणा करत असल्याचा आरोप त्यांनी केला. सीआरपीएफने आपल्या जवानांची ने-आण करण्यासाठी विमानांची मागणी केली होती, पण केंद्रीय गृहमंत्रालयाने ती नाकारली होती. तसेच या मार्गाचे प्रभावीपणे सॅनिटायझेशन करण्यात आले नसल्याचेही त्यांनी सांगितले.

२०१९ मधील लोकसभा निवडणुकीत फायदा घेण्याचा हेतू होता
या मुलाखतीत मलिक यांनी पंतप्रधानांवर काश्मीरबाबत चुकीची माहिती असल्याचा आणि अज्ञानी असल्याचा आरोप केला. पुलवामा हल्ल्याला कारणीभूत ठरलेल्या केंद्रीय गृहमंत्रालयाच्या त्रुटींबद्दल न बोलण्याच्या सूचना मोदींनी दिल्या होत्या, अशी धक्कादायक माहिती त्यांनी दिली. हल्ल्यानंतर काही वेळातच एका फोन कॉलमध्ये मलिक यांनी मोदींसमोर या त्रुटी मांडल्या, पण मोदींनी त्यांना याबाबत गप्प राहण्यास सांगितले. विशेष म्हणजे एनएसए अजित डोभाल यांनी या प्रकरणी मौन बाळगण्याचे निर्देश दिल्याचा दावाही मलिक यांनी केला. मलिक यांच्या म्हणण्यानुसार, पाकिस्तानवर दोषारोपण करून भाजप आणि सरकारला निवडणुकीचा फायदा मिळवून देण्याचा त्यावेळी हेतू होता अशी धक्कादायक माहिती मलिक यांनी या मुलाखतीत दिल्याने खळबळ माजली आहे.

पंतप्रधानांना भ्रष्टाचाराची चिंता नसल्याचा आरोप मलिक यांनी केला आणि सांगितले की ऑगस्ट 2020 मध्ये त्यांना गोव्याच्या राज्यपालपदावरून काढून मेघालयला पाठविण्यात आले कारण त्यांनी भ्रष्टाचाराची अनेक प्रकरणे मोदींच्या निदर्शनास आणून दिली होती, ज्याकडे सरकारने दुर्लक्ष करणे पसंत केले. पंतप्रधानांच्या आजूबाजूचे लोक भ्रष्टाचारात गुंतलेले आहेत आणि ते अनेकदा पीएमओच्या नावाचा वापर करतात, असा आरोप त्यांनी केला. मलिक म्हणाले की, त्यांनी ही बाब मोदींच्या निदर्शनास आणून दिली होती, पण पंतप्रधानांनी त्याची पर्वा केलेली दिसत नाही.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Pulwama Attack due to our lapses PM Narendra Modi asked me to keep quiet on it said former JK Governor Malik check details on 15 April 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.