Rajasthan BJP | आगामी विधानसभा निवडणुकीच्या तोंडावर भाजपाला मोठं खिंडार पडणार, वसुंधरा राजे समर्थक आमदार काँग्रेसच्या संपर्कात

Rajasthan BJP | आगामी काळात वसुंधरा राजे गटाचे अनेक आमदार भाजप सोडून काँग्रेसमध्ये प्रवेश करू शकतात, असे राजकीय जाणकारांचे म्हणणे आहे. तसेच दिल्लीतील गुजरात लॉबी यंदा वसुंधरा राजे समर्थक आमदारांचं तिकीट कापणार असल्याचे वृत्त राजस्थान भाजपात पसरलं आहे. त्यामुळे जुन्या आणि वसुंधरा राजे गटाच्या नेत्यांना तिकीट गमवावे लागू शकते.

वसुंधरा राजे समर्थक आमदार काँग्रेसच्या संपर्कात

आगामी विधानसभा निवडणुकीत भाजप विद्यमान ३० ते ४० आमदारांचे तिकीट कापण्याच्या विचारात आहे. त्यामुळे वसुंधरा राजे समर्थक आमदार मोठ्या प्रमाणात मुख्यमंत्री गेहलोत यांचे कौतुक करत आहेत. भाजप आमदारांकडून काँग्रेस कौतुकाची ही प्रक्रिया भाजपला मोठं खिंडार पडणार याचे स्पष्ट संकेत असल्याचं म्हटलं जातंय.

भाजप आमदार सूर्यकांत व्यास – सीएम गेहलोत यांचे कौतुक

राजस्थान काँग्रेस आमदार सूर्यकांत व्यास यांनी मुख्यमंत्री अशोक गेहलोत यांचे जाहीर केलेले कौतुक भाजपने गांभीर्याने घेतले आहे. राज्याचे संघटन मंत्री चंद्रशेखर यांनी निवडणुकीच्या वर्षात अशा वक्तव्यांपासून दूर राहण्याच्या सूचना दिल्या आहेत.

विधानसभेचे माजी अध्यक्ष कैलास मेघवाल यांना निलंबित केल्यानंतर भाजपचे ज्येष्ठ आमदार सूर्यकांत व्यास यांनी सीएम गेहलोत यांचे कौतुक केले आहे. जोधपूरमधून अनेकवेळा निवडणूक जिंकलेले सूर्यकांत व्यास म्हणाले, ‘गेहलोत यांनी राजे-महाराजांचे स्वप्न साकार करून उपकार केले.

कुलदेवी उस्त्र वाहिनी देवी मंदिराच्या नूतनीकरणासाठी मुख्यमंत्र्यांनी अंदाजपत्रकाची तरतूद केली, त्यामुळे अभिनंदन केले जाते. आता आमच्या समाजातील लोकांनी पोस्टर्स लावले तर मी काय करावे? असे ते म्हणाले. एकाबाजूला सीएम अशोक गेहलोत आणि आमदार सूर्यकांत व्यास यापूर्वी एकमेकांचे कौतुक करत आहेत. त्यामुळे भाजपची चिंता वाढली आहे.

कैलास मेघवाल यांनी केले कौतुक

राजस्थान भाजप वेगवेगळ्या गटात विभागला गेल्याचे राजकीय विश्लेषकांचे म्हणणे आहे. भाजपचे निलंबित आमदार कैलास मेघवाल यांनी ही कबुली दिली आहे. मेघवाल म्हणाले की, सध्या राजस्थान भाजपवर राजेंद्रसिंह राठोड गट, शेखावत गट, पूनिया गट आणि अर्जुन मेघवाल गटाचे वर्चस्व आहे. तर वसुंधरा राजे दुसऱ्या बाजूला पडला आहे.

आमदार कैलास मेघवाल यांनी आपण वसुंधरा राजे गटाचे असल्याचे स्पष्टपणे सांगितले आहे. त्यामुळे त्यांना निलंबित करण्यात आले आहे. पण मी झुकणार नाही. मी निवडणूक लढवणार आहे. मी जिंकणार सुद्धा. कैलास मेघवाल यांनी सीएम गेहलोत यांचे भरभरून कौतुक केले. मेघवाल म्हणाले की, 2018 मध्ये मोदी सरकारमुळे वसुंधरा राजे यांना पराभवाला सामोरे जावे लागले होते. त्यांच्या एका वक्तव्यामुळे गेहलोत सरकार पडण्यापासून वाचले, असा दावाही मेघवाल यांनी केला.

News Title : Rajasthan BJP MLA of Vasundhara Raje camp on way of congress 15 September 2023.