गुजरात विधानसभा २०२२ | ‘आप’च्या पक्षविस्तारासाठी मुख्यमंत्री केजरीवाल गुजरातमध्ये

अहमदाबाद, १४ जून | मागील आठवड्यात राजनीतीकार प्रशांत किशोर यांनी राष्ट्रवादीचे सर्वेसर्वा शरद पवार यांची भेट घेतली होती. त्यामुळे देशात तिसरी आघाडी निर्माण होण्याच्या हालचाली सुरू होणार असल्याचं सांगितलं जात होतं. परंतु, त्याच वेळी आम आदमी पार्टीने आगामी गुजरात विधानसभा निवडणूक स्वबळावर लढण्याचा निर्णय जाहीर केला आहे. त्यामुळे तिसऱ्या आघाडीच्या प्रयत्नांना पहिला धक्का बसला असल्याची राजकीय वर्तुळात चर्चा रंगली आहे.

2022मध्ये गुजरात विधानसभेसाठी निवडणुका होणार आहेत. या निवडणुकीच्या पार्श्वभूमीवर दिल्लीचे मुख्यमंत्री आणि आपचे नेते अरविंद केजरीवाल यांनी मोठं विधान केलं आहे. केजरीवाल यांनी गुजरात विधानसभेच्या सर्वच्या सर्व जागा लढवण्यात येणार असल्याचं स्पष्ट केलं आहे. केजरीवाल आज एक दिवसाच्या गुजरात दौऱ्यावर आले आहेत. यावेळी मीडियाशी बोलताना त्यांनी ही घोषणा केली आहे.

२०२२ मध्ये आम्ही स्थानिक जनतेच्या मुद्द्यांवरून निवडणूक लढवू आणि चेहरादेखील इथलाच असेल,’ अशी महत्त्वाची घोषणा केजरीवाल यांनी केली. ‘भाजप आणि काँग्रेस सरकारांच्या कारस्थानांमुळे आज गुजरातची ही अवस्था आहे. मागील २७ वर्षांपासून गुजरातमध्ये एकाच पक्षाचं सरकार आहे. २७ वर्षांपासून भाजप आणि काँग्रेसची मैत्री आहे. काँग्रेस भारतीय जनता पक्षाच्या खिशात आहे. भारतीय जनता पक्षाच्या गरजेनुसार काँग्रेसकडून पुरवठा केला जातो,’ अशा शब्दांत केजरीवालांनी गुजरातमधील काँग्रेस, भारतीय जनता पक्षाच्या राजकारणावर तोंडसुख घेतलं.

News Title: AAP to contest on all seats in Gujarat assembly 2022 polls says Chief minister Arvind Kejriwal news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.