एमपीत भाजप नेत्याने लष्करातील जवान अंशू तोमरला पळवून पळवून गोळ्या घातल्या होत्या

ग्वालियर, १३ सप्टेंबर : नौदलाच्या माजी अधिकाऱ्याने मुख्यमंत्री उद्धव ठाकरेंबद्दल एक कार्टुन फॉरवर्ड केल्याने त्यांच्याविरोधात शिवसैनिकांनी संताप व्यक्त केला होता. कांदिवली येथे राहणाऱ्या अधिकाऱ्याला शिवसेनेच्या कार्यकर्त्यांनी मारल्याचा धक्कादायक प्रकार समोर आला होता. ही संपूर्ण घटना सीसीटीव्हीत कैद झाली होती. शिवसैनिकांनीच आपल्या वडिलांना मारहाण केली असून त्यांच्यावर कठोर कारवाई करण्याची मागणीही मुलीने केली होती.

त्यानंतर नौदलाचे माजी अधिकारी मदन शर्मा यांच्या कुटुंबाने महाराष्ट्रात सुरक्षित वाटत नाही, असे म्हटले आहे. त्यांच्या मुलाने महाराष्ट्रात राष्ट्रपती राजवट लागू करण्याची मागणी केली आहे. व्हॉट्सअ‍ॅपवर आक्षेपार्ह व्यंगचित्र फॉरवर्ड केले म्हणून मदन शर्मा यांना मारहाण केल्याचा शिवसैनिकांवर आरोप आहे. मदन शर्मा हे निवृत्त नौदल अधिकारी आहेत. या मारहाण प्रकरणावरुन भाजपाने शिवसेनेच्या नेतृत्वाखालील सरकारविरोधात जोरदार मोर्चा उघडला आहे. विषय नौदलाच्या माजी जवानाशी संबंधित सल्याने भाजपने देखील भावनिक राजकीय फायदा उचलण्याचा प्रयत्न केल्याचं पाहायला मिळत असलं भाजप नेत्यांकडून त्याहून भयानक प्रकार मध्य प्रदेशात ११ फेब्रुवारी २०१८ मध्ये घडला होता.

मध्यप्रदेशात भारतीय सैन्यातील जवान अंशू तोमर यांना भाजपचे स्थानिक नेते आणि नगरपालिका उपाध्यक्ष नीतू तोमर तसेच त्यांच्या समर्थकांनी पळवून पळवून गोळ्या झाडल्या होत्या. त्यानंतर भारतीय सैन्यातील जवान अंशू तोमर हे गंभीर प्रकारे जखमी झाले होते आणि त्यांना इस्पितळात दाखल करण्यात आलं होतं.

मुरैना जिल्ह्यातील अम्बाह कस्बे येथे सदर घटना घडली होती. स्थानिक लोकांना फायरिंगचा आवाज येऊ लागल्याने एनेकजण जमा झाले होते आणि त्यांनी उघड्या डोळ्यांनी एका लष्करातील जवानावर फिल्मी अंदाजात पळवून पळवून गोळ्या घालताना भाजप नेत्याला आणि त्याच्या सहकाऱ्यांना पाहिलं होतं. त्यानंतर मोठा तणाव निर्माण झाला होता. पोटात गोळी लागल्याने जवान अंशू तोमर गंभीर जखमी झाले होते. काही दिवसांसाठी ते सुट्टीवर आले असता ही घटना घडली होती.

महत्वाची टीप : याबाबत अधीकृत वृत्त ANI, बिझनेस स्टॅंडर्ड, इंडियन एक्सप्रेस, द क्विन्ट आणि पत्रिका मध्ये प्रसिद्ध झालं होतं.

News English Summary: An Army jawan was critically injured after being allegedly shot by a local Bharatiya Janata Party (BJP) leader in Madhya Pradesh’s Morena on 11 February 2018, reported ANI. Local BJP leader Nitu Tomar shot Jawan Anshu Tomar, alleged a friend of the Army personnel, who was at the spot at the time of the incident.

News English Title: Army Jawan Anshi Tomar was allegedly shot by BJP leader in Madhya Pradesh in February 2018 Marathi News LIVE latest updates.