अशोक गेहलोत काॅंग्रेसचे नवे राष्ट्रीय अध्यक्ष होणार?

नवी दिल्ली : लोकसभा निवडणुकीत झालेल्या दारुण पराभवाची जबाबदारी स्विकारत काँग्रेस अध्यक्ष राहुल गांधींनी राजीनामा देण्याचा निर्णय घेतला आणि आज देखील ते त्यांच्या राजीनाम्याच्या निर्णयावर ठाम असल्याचे वृत्त आहे. दरम्यान काँग्रेसला आता गांधी घराण्याव्यतिरिक्त नवा अध्यक्ष मिळणार असून राजस्थानचे मुख्यमंत्री अशोक गेहलोत यांचं नाव काँग्रेसच्या नव्या अध्यक्षपदासाठी निश्चित झाल्याची माहिती समोर येत आहे.

राहुल गांधींनी महिनाभराचा अवधी देत नवा राष्ट्रीय अध्यक्ष निवडण्यास पक्षाला सांगितलं होतं. परंतु काँग्रेसचा नवा अध्यक्ष गांधी परिवारातील नको अशी अट राहुल गांधींनी ठेवली होती. दरम्यान, काँग्रेस लवकरच नव्या अध्यक्षाची घोषणा करणार असल्याची माहिती मिळत आहे.