मजुरांवरील संकटाला स्वतःसाठी संधी बनवू नका, विशाल ददलानीचा पंतप्रधांना टोला

नवी दिल्ली, २० जून : ग्रामीण क्षेत्रात रोजगाराच्या संधी वाढवण्यासाठी केंद्र सरकारने ‘गरीब कल्याण रोजगार योजना’ आखली आहे. या पार्श्वभूमीवर आज शनिवारी या योजनेचं लोकार्पण पंतप्रधान नरेंद्र मोदी यांच्या हस्ते करण्यात आलं. या स्थलांतरामुळे ज्यांचं काम सुटलं आहे त्यांना रोजगार मिळणार असल्याची घोषणा मोदींनी यावेळी केली.

बिहारमधील खगरियामधून अभियांचा शुभारंभ करण्यात आला. ”लॉकडाउनमुळे अनेक मजुरांचे हाल झाले. त्यामुळे अनेक मजूर आपापल्या गावी परतले. यामध्ये बऱ्याच मजुरांचे रोजगार गेले आहेत. त्यामुळे स्थलांतरामुळे ज्या लोकांचे काम सुटले त्यांना आता रोजगार मिळणार” असल्याचं मोदींनी म्हटलं. तसंच या अभियानाच्या माध्यमातून मजुरांना घरा जवळ काम मिळावं, असा आमचा हेतू आहे. आतापर्यंत मजुरांनी त्यांच्या कौशल्याने व श्रमाने शहरांना झळाळी दिली. मात्र आता ते गावांसाठी करावे, असं आवाहन देखील मोदी यांनी केलं आहे.

या अभियानावरून गायक व संगीत दिग्दर्शक विशाल ददलानी यानं पंतप्रधान नरेंद्र मोदी यांच्यावर निशाणा साधला आहे. गरीब कल्याण रोजगार अभियानाचा पंतप्रधान नरेंद्र मोदी यांनी बिहारमधील खगरिया येथून प्रारंभ केला. यावेळी त्यांनी स्थलांतरित मजुरांशी संवाद साधला. पंतप्रधान मोदी यांनी अभियानाचा शुभारंभ केल्यानंतर संगीत दिग्दर्शक व गायल विशाल ददलानीनं एक ट्विट करून पंतप्रधान मोदींना टोला लगावला आहे. “खूपच भारी. लॉकडाउनच्या वेळी स्थलांतरित मजुरांविषयी ना विचार केला, ना कोणतीही व्यवस्था केली. त्यामुळे हे मजूर शहरातून गावाकडे परतले आहे, हे आपण कदाचित विसरला असाल. हजारो लोक अनवाणी पायाने, रिकाम्या पोटी, लाचार होऊन आपापल्या गावाकडे पायी निघाले. कित्येक अर्ध्या प्रवासातच मरण पावले. त्यांच्यावरील संकटाला स्वतःसाठी संधी बनवू नका,” असा टोला विशालनं पंतप्रधान नरेंद्र मोदी यांना लगावला आहे.

बहुत खूब.

आप शायद भूल गये हैं के शहरों से मज़दूर इस लिये लौटे, के ‘लाॅकडाऊन’ के समय सरकार ने ना उनके बारे में सोचा, ना उनके लिये कोई इंतेज़ाम किया. हज़ारों लोग नंगे-पैर, खाली-पेट, लाचार होकर अपने गाँव की तरफ़ पैदल निकले. कई बीच-राह मर भी गये.

उनकी आपदा को अपना अवसर न बनाएं. 🙏🏼 https://t.co/Uu3kikdmvg

— VISHAL DADLANI (@VishalDadlani) June 20, 2020

News English Summary: The Central Government has launched the Poor Welfare Employment Campaign to provide employment to the migrant workers. Prime Minister Narendra Modi launched the campaign on Saturday (June 20) from Bihar. With this campaign, singer and music director Vishal Dadlani has targeted Prime Minister Narendra Modi.

News English Title: Bihar Poor Welfare Employment Campaign singer and music director Vishal Dadlani has targeted Prime Minister Narendra Modi News Latest Updates.