भाजपाची सत्ता असलेल्या महापालिकेत भष्टाचार | कोरोना रुग्णाच्या एका बेडसाठी 25 ते 50 हजारांचा भाव, दोघांना अटक

बंगळुरु, ५ मे | देशात कोरोनाची दुसरी लाट थांबायचे नावच घेत नाहीये. 3 दिवस नवीन कोरोना रुग्णांच्या संख्येत घट झाली होती, पण मंगळवारी पुन्हा संक्रमितांचा आकडा वाढला. देशभरात मागील 24 तासात 3 लाख 82 हजार 602 नवीन रुग्णांची नोंद झाली आहे. हा आकडा जगातील सर्वाधिक संक्रमित देश अमेरिकेत आढळलेल्या नवीन संक्रमितांच्या नऊ पट आहे.

दरम्यान, कोरोनामुळे मृत्यू होणाऱ्यांची संख्याही दिवसेंदिवस वाढत आहे. मागील 24 तासात देशभरात सर्वाधिक 3,783 रुग्णांचा मृत्यू झाला आहे. पण, दिलासादायक बाब म्हणजे, मागील चोवीस तासात 3.37 लाख रुग्णांनी कोरोनावर मातही केली आहे. हा आकडा आतपर्यंतचा सर्वाधिक आहे.

दरम्यान, बंगळुरुच्या दक्षिणमधून भाजपचे खासदार झालेले तेजस्वी सूर्या यांनी कोरोना कालात भारतीय जनता पक्षाची सत्ता सत्ता असलेल्या महापालिकेच्या हॉस्पिटलमध्ये लाच घेऊन कोरोना रुग्णांना बेड दिले जात असल्याचा खळबळजनक आरोप केला आहे. हॉस्पिटलमध्ये बेड मिळत नसल्याबद्दल त्यांनी महानगर पालिकेलाच जबाबदार धरले आहे.

नगरपालिकांचे अधिकारी पैसे घेऊन लोकांना बेड उपलब्ध करत आहेत. सुर्या यांच्या आरोपानंतर पोलिसांनी या प्रकरणी दोघांना अटक केली आहे. रोहित आणि नेत्र अशी यांची नावे आहेत. हे दोघे एका बेडसाठी 25 ते 50 हजारांची लाच घेत होते. पोलिसांनी त्यांच्या खात्यातून 1.05 लाख रुपये जप्त केले आहेत.

सुर्यांनी आरोप केला आहे की, बीबीएमपी अधिकारी आणि आरोग्य कर्मचाऱ्यांच्या संगनमताने बेड देण्यात गैरव्यवहार सुरु आहेत. बीबीएमपी साईटवर सर्व बेड फुल असल्याचे दाखवत आहे. मात्र, अनेकजण हॉस्पिटलमधून डिस्चार्ज होत आहेत. अशामुळे बेड कसे फुल असतील हे समजण्यापलिकडे आहे, असे ते म्हणाले. बीबीएमपी अधिकारी, आरोग्य मित्र आणि बाहेरचे लोक यामध्ये गुंतलेले आहेत. जे रुग्ण कोरोना बाधित आहेत परंतू होम आयसोलेट आहेत त्यांच्या नावे हे बेड आरक्षित केले जात होते. या रुग्णांना याची कल्पनाही नव्हती. असे एकच नाही तर हजारो रुग्णांच्या नावे बेड आरक्षण घोटाळा करण्य़ात आला आहे, असा आरोप सुर्या यांनी केला आहे. खासदार सुर्या यांच्या आरोपांनंतर येडीयुराप्पा सरकारने नगरपालिका अधिकाऱ्यांवर कारवाई करण्याचे आश्वासन दिले आहे.

News English Summary: MP Tejaswi Surya, a BJP MP from south of Bangalore, has made a sensational allegation that Corona patients are being given beds in a BJP-ruled municipal hospital during the Corona era. He has blamed the corporation for not getting beds in the hospital.

News English Title: BJP ruled municipal hospital given beds against money said MP Tejaswi Surya news updates.