भाजपाचे कार्यकर्ते खूप मेहनती असल्याने त्यांना कोरोनाचा संसर्ग होत नाही - भाजप आ. गोविंद पटेल

मुंबई, २२ मार्च: देशात सलग ११ व्या दिवशी कोरोनाच्या नव्या रुग्णांत वाढ झाली. रविवारी ४४,०४२ रुग्ण आढळले. त्यातील एकट्या महाराष्ट्रातील ३०,५३५ रुग्ण आहेत. महत्त्वाचे म्हणजे गेल्या वर्षी २० ते २४ नोव्हेंबरदरम्यान जेव्हा रोज आढळणाऱ्या रुग्णांची सरासरी ४४ हजार होती तेव्हा रोज सरासरी ५१४ मृत्यू होत होते. आता पुन्हा ४४ हजार रुग्ण आढळत आहेत, पण रोज होणाऱ्या मृत्यूंची सरासरी १८० च्या खाली आहे. म्हणजे आधीच्या तुलनेत अर्ध्यापेक्षाही कमी मृत्यू होत आहेत. देशात गेल्या ३० दिवसांतच रोज आढळणाऱ्या रुग्णांची संख्या १४ हजारांवरून ४४ हजारांवर गेली आहे. म्हणजे तिपटीपेक्षाही जास्त वाढ. रोज होणाऱ्या मृत्यूंची संख्या १०१ वरून १९७ झाली आहे, म्हणजे दुपटीपेक्षाही कमी वाढ झाली.

केंद्रीय आरोग्य मंत्रालयानुसार, देशातील ८५.१४% नवे रुग्ण महाराष्ट्र, पंजाब, केरळ, कर्नाटक, गुजरात व मध्य प्रदेश या ६ राज्यांतील आहेत. देशातील काही शहरे कोरोनाच्या दुसऱ्या लाटेकडे जात आहेत. त्यात मुंबई, पुणे, नागपूर प्रमुख आहेत. देशात एकूण संक्रमित १.१५ कोटींवर असून सक्रिय रुग्ण ३ लाखांवर आहेत.

दरम्यान, गुजरातमधील भाजपा आमदाराने कोरोना संसर्गासंदर्भात एक वादग्रस्त वक्तव्य केलं आहे. राजकोट (दक्षिण) मदतदासंघाचे भाजपा आमदार असणाऱ्या गोविंद पटेल यांनी हे वक्तव्य केलं आहे. भाजपाचे कार्यकर्ते खूप मेहनत करतात त्यामुळेच त्यांना कोरोनाचा संसर्ग होत नाही, असं पटेल यांनी म्हटलं आहे. करोनाचा प्रादुर्भाव वाढत असतानाच निवडणुकीच्या प्रचारादरम्यान नेत्यांकडून आणि पक्षाच्या कार्यकर्त्यांकडून करोना नियमांचे उल्लंघन होत आहे असं तुम्हाला वाटत नाही का?, या प्रश्नाला उत्तर देताना पटेल यांनी हे वक्तव्य केलं आहे.

News English Summary: BJP MLA has made a controversial statement regarding corona infection. This statement has been made by Govind Patel, BJP MLA of Rajkot (South) Aid Association. “BJP workers work very hard and that is why they are not infected with corona,” Patel said.

News English Title: BJP workers work very hard and that is why they are not infected with corona said BJP MLA Govind Patel news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.