अनलॉक १.०: मंदिर आणि धार्मिक स्थळांसाठी केंद्राची नवी नियमावली

मुंबई, ५ जून: कोरोनाच्या पार्श्वभूमीवर केंद्र सरकारनं लॉकडाउनचा निर्णय घेतला होता. तब्बल दोन महिन्यांनंतर लॉकडाउन शिथिल करण्यास सुरूवात झाली आहे. केंद्र सरकारनं धार्मिक स्थळं, मॉल, हॉटेल खुली करण्याचा निर्णय घेतला आहे. यासाठी काही नियम व अटी सरकारकडून घालण्यात आल्या आहेत. या नियमांचे पालन याठिकाणी जाणाऱ्या प्रत्येक व्यक्तीने करणं बंधनकारक आहे. मात्र ही सुविधा कन्टेंन्मेंट झोनसाठी पूर्णपणे बंद आहे.

हॉटेल खुली करण्याची परवानगी देतानाच सरकारनं कोरोनाचा संसर्ग टाळण्यासाठी काही महत्त्वाचे नियम घातले आहेत. यात ग्राहकाने स्वतःच्या मेडिकल व ट्रॅव्हल हिस्ट्रीची माहिती देणं अनिवार्य केलं आहे.

धार्मिक स्थळ, मॉल्स आणि रेस्टॉरंटमध्ये मोठ्या प्रमाणात नागरिकांची ये-जा असते त्यामुळे कोरोनाचा संसर्ग वाढण्याचा धोका जास्त आहे. त्यापार्श्वभूमीवर या सर्व ठिकाणी सोशल डिस्टन्सिंगचं पालन करणं बंधनकारक असल्याचं केंद्र सरकारकडून सांगण्यात आलं आहे.

कंटेनमेंट झोनमध्ये मॉल्स, धार्मिक स्थळं, रेस्टॉरंट किंवा हॉटेल्स बंदच राहणार आहेत. या ठिकाणी अद्याप उघडण्याची परवानगी देण्यात आली नाही. मात्र कंटेनमेंट झोन वगळता इतर ठिकाणी सुरू करण्याची परवानगी देण्यात आली आहे. केंद्र सरकारनं नवी नियमावली जाहीर केली त्यात काय म्हटलं आहे पाहा.

मॉल्ससाठी काय आहे नवी नियमावली

• प्रवेशद्वारावर हॅण्ड सॅनिटायझर आणि थर्मल स्कॅनिंग अत्यावश्यक. थर्मल स्कॅनिंगनंतर कोरोनाची लक्षणं नसणाऱ्यांनाच प्रवेश द्यावा.
• पार्किंग आणि मॉलच्या परिसरात सुरक्षित अंतर राखणं अनिवार्य आहे.
• लिफ्ट आणि एक्सलेटरवरून जाताना सोशल डिस्टन्सचं पालन करणं बंधनकारक आहे. एक्सलेटरवर एक पायरी सोडून उभं राहावं.
• मॉल्समधील गेमिंग सेक्शन, चित्रपटगृह बंद राहणार आहेत. रेस्टॉरंट आणि खाद्य पदार्थांचे कॉर्नर असल्यास केवळ 50 टक्के नागरिक सोशल डिस्टन्सिंगचं पालन करून बसतील अशी व्यवस्था करावी.

News English Summary: Religious places, malls and restaurants are frequented by a large number of citizens, so the risk of corona infection is high. In this context, the Central Government has stated that it is mandatory to observe social distance in all these places.

News English Title: Central Government has stated that it is mandatory to observe social distance in all Religious places unlock News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.