केजरीवाल सरकारकडून कोविड १९ अ‍ॅप लॉंच

नवी दिल्ली, २ जून: दिल्लीतील कोरोनाची स्थिती लक्षात घेता नागरिकांना योग्य वैदकीय सेवा उपलब्ध करून देता यावी, यासठी Delhi Corona अ‍ॅप लॉंच करण्यात आलं आहे. मुख्यमंत्री अरविंद केजरीवाल यांनी आज पत्रकार परिषद घेत याची माहिती दिली आहे. या अ‍ॅपच्या माध्यमातून शहरातील कोणत्या रुग्णालयात किती खाटा उपलब्ध आहेत याची माहिती मिळणार आहे.

मुख्यमंत्री अरविंद केजरीवाल यांनी याआधीच घेतलेल्या पत्रकार परिषदेत दिल्लीतील कोरोनाच्या परिस्थितीवर भाष्य करताना अ‍ॅप लॉंच करणार असल्याची माहिती दिली होती. त्यानुसार हा अ‍ॅप लॉंच करण्यात आला आहे. अपुऱ्या माहितीमुळे अनेकदा रुग्णांना व त्यांच्या नातेवाईकांना रुग्णालय शोधत फिरावं लागतं. अशा अनेक तक्रारी देखील आपल्याकडे आल्या आहेत. त्यामुळे कोणत्या रुग्णालयात किती खाटा, व्हेन्टिलेटर्स उपलब्ध आहेत, याची माहिती देण्यासाठी या अ‍ॅपची निर्मिती करण्यात आली असल्याचं केजरीवाल म्हणाले.

दिल्लीत सध्या ४१०० खाटा रिकामी आहेत. मात्र नागरिकांना याबाबत माहिती नसते. त्यामुळे कोणत्या रुग्णालयात जावं यात त्यांचा गोंधळ उडतो. नागरिकांना कोणतीही अडचण न होता त्यांना ही माहिती देण्याचं काम हे अ‍ॅप करेल. गुगल प्ले स्टोरवरून हा अ‍ॅप डाउनलोड करता येईल. तसंच हा अ‍ॅप सकाळी १० आणि सायंकाळी ६ वाजता दोनदा अपडेट केला जाईल.

News English Summary: The Delhi Corona app has been launched to provide proper medical services to the citizens considering the condition of Corona in Delhi. Chief Minister Arvind Kejriwal has informed this while holding a press conference today. Through this app, you will get information about the number of beds available in which hospitals in the city.

News English Title: Chief Minister Arvind Kejriwal has announced a Delhi Covid 19 Mobile App News latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.