यांच्या 'जुमला दिवस' आणि 'पप्पू दिवसात' आमचे 'दिवस' फिरले

मुंबई : आर्थिक वर्षाच्या सुरुवातीलाच पेट्रोल-डिझले दर वाढ, टोल वाढ आणि रोज लागणाऱ्या वस्तू महागल्याने सामान्य माणसाच्या दैनंदिन जगण्याचे ‘दिवस’ फिरले असताना कॉग्रेस व्यस्त आहे ‘जुमला दिवस’ साजरा करण्यात, तर मोठं-मोठी आश्वासनं देत ‘अच्छे दिन आने वाले है’ असं बोंबलत आलेलं भाजप सरकार ‘पप्पू दिवस’ साजरा करण्यात व्यस्त झाले आहेत, अशी संतप्त प्रतिक्रिया आर्थिक वर्षाच्या सुरुवातीलाच सामान्यांकडून ऐकू येत आहेत.

सामान्यांच्या व्यथा समजून घेण्यापेक्षा विरोधी पक्ष व्यस्त आहे ‘जुमला दिवस’ साजरा करण्यात आणि मोदीसरकार ‘पप्पू दिवस’ साजरा करण्यात. आर्थिक वर्षाची सुरुवात एवढ्या महागाईने झाली आहे, त्यावर बोलण्यापेक्षा मोदीसरकार आणि काँग्रेस पक्ष हे दोघेही एकमेकांची खिल्ली उडवण्यात व्यस्त असल्याचे चित्र आहे आणि त्यातूनच सामान्य लोकांमध्ये ही चीड पाहायला मिळत आहे.

त्याला कारण आहे १ एप्रिलचा मुहूर्त साधत काँग्रेस आणि भाजपनं आज एकमेकांच्या नेत्यांची खिल्ली उडवत एप्रिल फूलची आठवण करून दिली. देशातल्या या दोन मोठ्या पक्षांच्या ट्विटरयुद्धानं लोकांमध्ये प्रचंड चीड निर्माण झालेली पाहायला मिळत आहे. काँग्रेसनं सकाळीच #HappyJumlaDivas हा हॅशटॅग वापरत पंतप्रधान नरेंद्र मोदी यांना टार्गेट केलं. तर भाजपनेही त्याला पप्पू दिवस असं उत्तर देत राहुल गांधी यांचा एक व्हिडीओही ट्विट केला.

PM-MyGovt
An amount of INR 15,00,000.00 has been CREDITED to your A/C on 01/04/2018 towards Acche Din. Ref No. https://t.co/Se1tLgez25 Avail.bal INR 0.00
Here are some other BREAKING NEWS stories trending this hour: #HappyJumlaDivas pic.twitter.com/N5SPnQIlsY

— Congress (@INCIndia) April 1, 2018

Mr. Rahul Gandhi, make no mistake, you are the undisputed king of bloopers and this is just the trailer. We trust you will always keep us entertained. pic.twitter.com/mp2ikWzIgN

— BJP (@BJP4India) March 27, 2018

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.