दिग्विजय सिंह यांचं भाजपला प्रतिउत्तर | पाकिस्तान हा भाऊ असल्याचे RSS'चे ते जुने विधान केले शेअर

नवी दिल्ली, १४ जून | काँग्रेसचे ज्येष्ठ नेते आणि राज्यसभा खासदार दिग्विजय सिंह हे क्लब चॅटवरील ऑडियो संभाषणामुळे भारतीय जनता पक्षाच्या निशाण्यावर आले होते. त्यांनी या ऑडियो संभाषणात काँग्रेस सरकार सत्तेत आल्यावर कलम 370 परत लागू करणार असल्याचे म्हटले होते. यावरुन भारतीय जनता पक्षाने त्यांच्यावर चांगलीच टिकेची झोड उठवली होती. दरम्यान, त्यांनी समाज माध्यमांवर आरएसएसचे 6 वर्ष जूने एक विधान शेअर करत भारतीय जनता पक्षावर पलटवार केला आहे. त्यांनी या विधानावरुन मोहन भागवत यांना पाकिस्तानात पाठवत त्यांची एनआयए चौकशी कराल का? असा प्रश्न उपस्थित केला आहे.

मध्यप्रदेशचे माजी मुख्यमंत्री दिग्विजय सिंह यांनी भाजपवर पलटवार करत सहा वर्ष जून्या बातमीचा हवाला दिला. ज्यामध्ये आरएसएसने पाकिस्तान आपल्या भावासारखा असून सरकारने त्याच्याशी संबंध दृढ केले पाहिजेत असे म्हटले होते.

व्ही.डी. शर्मा यांनी एनआयए चौकशीची मागणी केली:
भारतीय जनता पक्षाचे प्रदेशाध्यक्ष व्ही.डी. शर्मा यांनी काँग्रेसचे जेष्ठ नेते दिग्विजय सिंह यांची एनआयए तपासाची मागणी केली होती. ज्यामध्ये त्यांनी गृहमंत्री अमित शहा यांना पत्र लिहत सिंह यांच्या मोबाईलची चौकशी करण्याची मागणी केली.

News Title: Congress leader Digvijay Singh retaliated for speaking on article 370 wrote will Mohan Bhagwat also get NIA investigated news updates.