राहुल गांधी राजीनाम्यावर ठाम! थोड्याच वेळात बैठक

नवी दिल्ली : लोकसभा निवडणुकीतील देशभरात झालेल्या दारूण पराभवानंतर कॉंग्रेस अध्यक्ष राहुल गांधी राष्ट्रीय पक्षाध्यक्षपदाचा राजीनामा देण्याच्या तयारीत असल्याच्या चर्चांना उधाण आले आहे. परंतु कॉंग्रेस प्रवक्ते रणदीप सुरजेवाला वारंवार राहुल गांधी राजीनामा देणार नाहीत असे सांगत आहेत. दरम्यान, आज सायंकाळी ४:३० वाजता राहुल गांधींनी आपल्या घरी पक्षाची बैठक बोलावली आहे. या बैठकीत काय चर्चा होणार, याकडे संपूर्ण देशाचे लक्ष लागले आहे.

दरम्यान, लोकसभा निवडणुकीतील पराभवानंतर शनिवारी कॉंग्रेस कार्यकारिणीची बैठक पार पडली. या बैठकीस युपीए अध्यक्षा सोनिया गांधी, महासचिव प्रियंका गांधी, माजी पंतप्रधान मनमोहन सिंग यांच्यासह कॉंग्रेसचे दिग्गज नेते उपस्थित होते. यावेळी कॉंग्रेस अध्यक्ष राहुल गांधी यांनी आपल्या पदाचा राजीनामा दिला मात्र कॉंग्रेस सदस्यांनी तो स्वीकारला नाही. तेव्हापासून राहुल गांधी आपल्या राजीनाम्यावर ठाम असून आज साडेचार वाजता अंतिम बैठक पार पडणार आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.