ज्याचं अग्नी दहन व्हायला हवं होतं, त्यांना दफन केलं जातंय, तुम्ही कसले हिंदू रक्षक - काँग्रेस

मुंबई, १५ मे | देशात कोरोनामुळे मृत्यूंचा आकडा २.६२ लाखांच्या वर पोहोचला आहे. दुसरीकडे, सध्या उत्तर प्रदेशातील कानपूर, कन्नौज, उन्नाव, गाझीपूर आणि बलियामधील परिस्थिती अतिशय वाईट आहे आणि इथलं भीषण वास्तव देखील समोर आलं आहे. वास्तवात समोर येणारं चित्र हे अत्यंत भीषण असून योगी सरकार हतबल असल्याचं पाहायला मिळतंय.

उत्तर प्रदेशातील बड्या शहरांपैकी एक कानपूरमधील शेरेश्वर घाटाजवळ अर्ध्या तासाच्या अंतरावर अनेक मृतदेह पुरण्यात आले आहेत. येथील परिस्थिती खूपच भयावह असल्याचे सांगितले जाते. जिथपर्यंत नजर जाईल तिथपर्यंत फक्त मृतदेहांना जमिनीत पुरलेले दिसत होते. काही मृतदेहांचे कुत्रे लचके तोडत होते तर काहींवर गरुड व कावळे बसलेले दिसले. संबंधित प्रकरणाची माहिती मिळताच पोलिसांची टीमही येथे पोहोचली. त्यानंतर पोलिसांकडून प्रत्येक मृतदेहावर माती टाकण्याचे काम सुरू झाले.

कोरोना काळातील सर्वात मोठी स्मशानभूमी उन्नावमध्ये असल्याचे दिसून येत आहे. कारण येथीलच शुक्लगंज घाट आणि बक्सर घाटाजवळ 900 हून अधिक मृतदेहांचे दफन करण्यात आले आहे. दरम्यान, तेथे प्रत्येक चरणात मानवी अवयव विखुरलेले दिसतात. सध्या घाई गडबडीत सर्व मृतदेहांना वाळूत पुरुन टाकण्याचं काम सुरु आहे. विशेष म्हणजे धर्माने हिंदू असलेल्या रुग्णांचे अग्निदहन होण्याऐवजी त्यांना दहन करण्याची वेळ आल्याने मोठ्या प्रमाणावर संताप देखील व्यक्त होताना दिसत आहे.

VIDEO | गंगा मातेने वायू-वादळाच्या मदतीने गंगा घाटावरील रेती हटवली आणि उत्तर प्रदेशातील भाजप सरकारच्या कोरोना आपत्तीतील आरोग्य व्यवस्थेचं भीषण वास्तव देशाला दाखविण्यास सुरूवात केली आहे.

केवळ विचार करा संपूर्ण उत्तर प्रदेशात कोरोनाने परिस्थिती किती भयंकर असेल#UttarPrdesh pic.twitter.com/y3ym8r64VL

— महाराष्ट्रनामा न्यूज (@MahaNewsConnect) May 15, 2021

याच विषयाला अनुसरून काँग्रेसचे प्रवक्ते अतुल लोंढे-पाटील यांनी भाजपवर बोचऱ्या शब्दात टीका केली आहे. यासंदर्भात ट्विट करताना अतुल लोंढे-पाटील यांनी म्हटलंय की, “५ ट्रिलियन डॉलरच्या अर्थव्यवस्थेविषयी बोलणारे मोदी आणि योगी सरकार उत्तर प्रदेशातील जनतेला अंत्यसंस्कार करण्याची व्यवस्था देखील देऊ शकत नाहीत, ज्याचं अग्नी दहन व्हायला हवं होतं, त्यांना दफन केलं जातंय, तुम्ही कसले हिंदू रक्षक

५ ट्रिलियन डॉलर अर्थव्यवस्था की बात करने वाले मोदी और योगी उत्तर प्रदेश में जनता को दाह संस्कार का भी इंतजाम नहीं कर पा रहे है।

जिसे जलना है उसे दफ़नाया जा रहा है ।अपने आप को हिंदुरक्षक कहते है।

— गांधीदूत-Atul Londhe Patil (@atullondhe) May 15, 2021

News English Summary: Modi and Yogi, who talk about the $ 5 trillion economy, are not able to even arrange for cremation to the public in Uttar Pradesh. The one who is to be burnt is being buried. He is called the Hindurakshak said Congress spokesperson Atul Londhe Patil.

News English Title: Congress spokesperson Atul Londhe Patil slams BJP govt over many dead bodies found at Ganga ghat news updates.