बेरोजगारी-उपासमारीचं चित्र गडद होतंय | यूपीत युवक चक्क रस्त्याव सांडलेले दूध प्यायला

लखनऊ, १० मे | देशातील कोरोनाच्या दिवसेंदिवस बिघडत चालली आहे. अनेक राज्यांमध्ये लॉकडाऊन केल्याने बेरोजगारी आणि उपासमारीचा प्रश्न भीषण झाल्याचं चित्र आहे. कोरोना व्हायरसचा वाढता प्रार्दुभाव लक्षात घेता देशातील अनेक राज्यांनी लॉकडाऊन लावण्याचा निर्णय घेतलेला आहे. लॉकडाऊनमुळे अनेकांच्या नोकर्‍या गेल्या असून कित्येक लोक बेरोजगार झाले आहे.

दरम्यान, देशातील असंघटीत क्षेत्रातील लोकांचे मोठ्या प्रमाणावर हाल होत आहे. याचाच प्रत्यय म्हणून उत्तर प्रदेशातील कानपुर शहरामध्ये एका युवकाने पोटाची आग विझवण्यासाठी चक्क रस्त्यावरचे दूध प्यायले आहे. यावरुन लॉकडाऊनमध्ये लोक किती असहाय झाले आहे हे लक्षात येते. हा व्हिडिओ सध्या सोशल मीडियावर मोठ्या प्रमाणावर व्हायरल होत असून हा प्रसंग कानपूर जिल्ह्यातील सुतारखाना येथील असल्याचे सांगितले जात आहे.

उपस्थित सुतारखान्यातील लोकांनी दिलेल्या माहितीनुसार, रविवारी एका दुधावाल्याची सायकल पलटी होऊन दूध रस्त्यावर सांडले होते. दरम्यान, तेथून एक तरुण जात असताना त्याने रस्त्यावर पसलेले दूध बघितले. त्या तरुणाला खूप भूक लागली असल्याने आपला गुडघा रस्त्यावर टेकत त्याने चक्क रस्त्यावरील दूध प्यायला सुरुवात केली. हे पाहून लोकांना त्याच्यावर दया आली आणि त्याला त्यांनी भोजन आणून दिले.

उत्तर प्रदेशात दीर्घकाळ लॉकडाऊनमुळे कामगारांसमोर अन्नाचे संकट निर्माण झाले आहे. कोरोनामुळे लावलेल्या या लॉकडाऊनमुळे बरेच कामगार बेरोजगार झाले आहेत. विशेष म्हणजे कानपूर हे देशातील औद्योगिक शहर म्हणून ओळखले जाते. येथे मोठ्या संख्येने कामगार कारखाने व छोट्या कारखान्यांमध्ये काम करतात. लॉकडाऊन दरम्यान अनेक युनिट्स बंद झाले असल्यामुळे यामधील काम करणारे कामगार अस्वस्थ आहेत.

News English Summary: A milkman’s bicycle overturned and milk was spilled on the road. Meanwhile, as a young man was passing by, he saw milk spilled on the road. The young man was so hungry that he knelt down on the road and started drinking milk from the street. When the people saw this, they took pity on him and brought him food.

News English Title: Corona pandemic India no food impact is getting highlighted in nation slowly news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.