तबलिगी जमातच्या २५५० परदेशी सदस्यांना १० वर्षांसाठी भारत प्रवेशास बंदी

नवी दिल्ली, ४ जून: दिल्लीच्या निझामुद्दीन भागातील तबलिगी जमातच्या २५५० परदेशी सदस्यांना काळ्या यादीत टाकण्यात आलं आहे. या सर्वांवर १० वर्षांसाठी भारतात प्रवेश करण्यावर बंदी घालण्यात आली आहे. केंद्रीय गृहमंत्रालयाने हा निर्णय घेतला आहे. याआधीदेखील तबलिगी मर्कझमधील धार्मिक कार्यक्रमांत मार्च महिन्यात सहभागी झालेल्या परदेशी नागरिकांनी व्हिसा शर्तीचे उल्लंघन केल्याने त्यांना काळ्या यादीत टाकण्यात आलं आहे.

यापूर्वी दिल्ली पोलिसांनी या परदेशी नागरिकांविरोधात आरोपपत्र दाखल केले होते. दिल्ली गुन्हे शाखेने सांगितल्यानुसार, या सर्वा आरोपींनी व्हिसा नियमांचे उल्लंघण केले होते. या मुळे सरकारने या सर्वांचे व्हिसा रद्द करून त्यांना काळ्या यादीतही टाकले होते. या आरोपींवर महामारी अधिनियम तोडल्याच्या आरोपासह इतर अनेक गंभीर आरोप ठेवण्यात आले आहेत.

#UPDATE More than 2,200 blacklisted foreign nationals banned for 10 years from travelling to India for their involvement in Tablighi Jamaat activities: Government Sources https://t.co/9b4t5QpkSt

— ANI (@ANI) June 4, 2020

ज्यांना काळ्या यादीत टाकले आहेत ते आता पुन्हा भारतात येऊ शकणार नाहीत. पोलिसांनी याआधी कारवाई करण्यात आल्यानंतर माहिती देताना एकूण २८१ परदेशी नागरिक हे निझामुद्दीन परिसरात दोन दिवस उपस्थित होते अशी माहिती दिली होती. त्यात नेपाळ १९, मलेशिया २०, अफगाणिस्तान १, म्यानमार ३३, अल्जेरिया १, दिजबौती १, किर्गिझस्तान २८, इंडोनेशिया ७२, थायलंड ७, श्रीलंका ७२, बांगलादेश १९, इंग्लंड ३, सिंगापूर १, फिजी ४, फ्रान्स १, कुवेत १ या प्रमाणे नागरिक उपस्थित होते. हे सर्व परदेशी लोक पर्यटक व्हिसावर आले व धार्मिक कार्यक्रमात सामील झाले होते.

सूत्रांनी दिलेल्या माहितीनुसार, ब्लॅकलिस्ट करण्यात आलेले २२०० परदेशी जमातींमध्ये माली, नायजेरिया, श्रीलंका, केनिया, जिबूती, टांझानिया, दक्षिण, आफ्रिका, म्यानमार, थायलंड, बांगलादेश, यूके (OCI कार्ड धारक) ऑस्ट्रेलिया आणि नेपाळमधील नागरिकांचा समावेश आहे. यांना आता पुढील १० वर्षांपर्यंत भारतात येता येणार नाही.

News English Summary: A total of 2,550 foreign members of the Tablighi community in Delhi’s Nizamuddin area have been blacklisted. All of them have been banned from entering India for 10 years. The Union Home Ministry has taken this decision.

News English Title: Corona virus 2550 Foreign Tablighi Jamaat Members Blacklisted News Latest Updates.