वडिलांच्या अंत्यदर्शनासाठी डॉक्टरांनी मुलीला मोजून ३ मिनिटं दिली

इम्फाळ, ५ जून : देशात कोरोनामुळे मृत्यू होण्याचं प्रमाण २.८२ टक्के आहे. कोरोनामुळे एका व्यक्तीचा मृत्यू झाल्यानंतर त्याच्या मुलीला अंत्यदर्शनासाठी केवळ ३ मिनिटांचा अवधी देण्यात आला होता. यावेळी डॉक्टरांची नजर घडाळ्यावर होती. तिसरा मिनिट पूर्ण होताच मुलीला घेऊन जाण्यात आलं. ही धक्कादायक घटना मणिपूर इथे घडली आहे.

नॉर्थईस्ट टुडे वेबसाइटनुसार २२ वर्षीय अंजली हिमांगटे या तरुणीचे वडिलांचं दीर्घ आजारानं निधन झालं. त्यांना कोरोनाची लागण झाल्याचीही माहिती मिळाली आहे. वडिलांच्या अंत्यदर्शनासाठी अंजलीला ३ मिनिटांचा वेळ देण्यात आला. यावेळी पीपीई किट घालून वडिलांचं अंत्यदर्शन घेण्याची परवानगी मिळाली.

तरुणी आपल्या वडिलांचं अंत्यदर्शन घेत असल्याचा ह्रदयद्रावक व्हिडीओ सध्या व्हायरल होत आहे. तरुणी वडिलांच्या मृतदेहाजवळ जाऊन त्यांना निरोप देत असताना तिची आई, नातेवाईक किंवा शेजारी कोणालाही तिच्या जवळच जाण्याची परवानगी नव्हती. मुलगी समोर धाय मोकलून रडत असताना तिच्या आईकडे मात्र पाहण्याशिवाय काहीच पर्याय नव्हता. यावेळी डॉक्टरांचं सर्व लक्ष मात्र घड्याळाकडे होतं. तीन मिनिटं पूर्ण होताच डॉक्टरांनी तरुणीला तेथून हलवलं.

तरुणी आपल्या वडिलांचं अंत्यदर्शन घेत असल्याचा ह्रदयद्रावक व्हिडीओ सध्या व्हायरल होत आहे. २५ मे रोजी तरुणी चेन्नई येथून श्रमिक ट्रेनने आपल्या घरी परतली होती. ट्रेनमधील एक प्रवासी कोरोना पॉझिटिव्ह आढळल्याने तरुणाला संस्थात्मक क्वारंटाइन करण्यात आलं होतं.

News English Summary: The girl, who was suspected of being a coroner, was kept at the quarantine center in Imphal. At the same time, her father died of a long illness. She was later brought to her home in Manipur. But the young woman was given only three minutes to pay her last respects.

News English Title: Corona virus Manipur Girl Gets 3 Minutes To Say Last Goodbye To Father News Latest Updates.