राम मंदिर झालंच पाहिजे, पण कोरोना आपत्तीत प्रभू रामाच्या प्रजेचा विचार कोण करणार? - राजीव सातव

मुंबई, २० जुलै : अयोध्येतील राम मंदिराच्या भूमिपूजनाच्या पार्श्वभूमीवर राजकारण तापायला सुरुवात झाली आहे. येत्या ५ ऑगस्टला पंतप्रधान नरेंद्र मोदी यांच्या हस्ते राम मंदिराचे भूमिपूजन होणार असल्याचे सांगितले जात आहे. मात्र, देशात सध्या राम मंदिर बांधून कोरोना जाणार आहे का, असा खोचक सवाल राष्ट्रवादी काँग्रेसचे सर्वेसर्वा शरद पवार यांनी उपस्थित केला होता.

पवार म्हणाले होते, “कोरोना हे देशावरचे मोठे संकट आहे. त्यावर यशस्वीपणे मात करण्यासाठी राज्य व केंद्र सरकार एकत्रित आले पाहिजे. एकमेकांशी योग्य समन्वय साधून काम झाले पाहिजे. कोरोनाचे भयसंकट परतवून लावण्यासाठी कोणत्या गोष्टींना महत्त्व द्यायचे, हे प्राधान्याने ठरविले पाहिजे. परंतू, मंदिर बांधून कोरोनाचं संकट दूर होईल, असं काही मंडळींना वाटतं आहे. राम मंदिर बांधून कोरोना आटोक्यात येत असेल तर भूमिपूजन अवश्य करा. फक्त करोनाचं संकट दूर व्हावं हीच आमची इच्छा आहे.”

दरम्यान काँग्रेसचे खासदार राजीव सातव यांनी देखील याविषयाला अनुसरून प्रतिक्रिया दिली आहे. राजीव सातव म्हणाले की, “राम मंदिराला विरोध असण्याचा प्रश्नच नाही, मुळात कोरोना आपत्तीने जनता होरपळून निघालेली असताना सध्याच्या घडीला त्यांना कशी मदत करता येईल यावर लक्ष केंद्रित होणं गरजेचं असल्याचं ते म्हणाले. त्यामुळे आता प्रभू रामाच्या प्रजेची काळजी करणं अत्यंत गरजेचं आहे असं राजीव सातव म्हणाले.

News English Summary: Rajeev Satav said, “There is no question of opposition to the Ram temple. Basically, when the people have fled the Corona disaster, we need to focus on how to help them at the present time.

News English Title: During corona crisis it is important to first protect peoples said Congress MP Rajeev Satav News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.