तिहार जेलमध्ये चौकशीनंतर पी चिदंबरम यांना ईडीकडून अटक

नवी दिल्ली: माजी केंद्रीय अर्थमंत्री पी चिदंबरम यांना सक्तवसुली संचलनालयाकडून अटक करण्यात आली आहे. ईडीच्या तीन सदस्यांच्या टीमकडून पी चिदंबरम यांची तिहार जेलमध्ये चौकशी करण्यात आली. जवळपास एक तास पी चिदंबरम यांची चौकशी सुरु होती. चौकशीनंतर पी चिदंबरम यांना अटक करण्यात आली. मंगळवारी विशेष न्यायालयाने ईडीला पी चिदंबरम यांची चौकशी तसंच अटकेची परवानगी दिली होती. मनी लॉण्ड्रिंग प्रकरणी पी चिदंबरम ५ सप्टेंबरपासून तिहार जेलमध्ये आहेत.

विशेष न्यायालयाने मंगळवारी ईडीला पी चिदंबरम यांची चौकशी करण्याची तसेच आवश्यकता असल्यास अटकेची परवानगी दिली होती. ईडीने पी चिदंबरम यांच्या अटकेची मागणी केली होती. यावर न्यायालयाने त्यांना चौकशीची परवानगी दिली. तसेच चौकशीदरम्यान हाती लागलेल्या माहितीच्या आधारे अटक करण्याचा निर्णय ईडी घेऊ शकते असेही सांगितले. तिहार जेलमध्ये चौकशी करण्यासाठी ईडीचे पथक दाखल झाले होते. त्यानंतर आता अटक करण्यात आली आहे.

INX Media case: Congress leader P Chidambaram arrested by Enforcement Directorate after questioning at Delhi’s Tihar Jail pic.twitter.com/Zp7Xqj3KXl

— ANI (@ANI) October 16, 2019

Karti Chidambaram after meeting his father P Chidambaram at Delhi’s Tihar Jail: I came to meet my father. He is in good spirits. Whatever these procedural games are being played are for political theatrics. This is a bogus investigation. pic.twitter.com/2iq5sFklKB

— ANI (@ANI) October 16, 2019

तत्पूर्वी सर्वोच्च न्यायालयात झालेल्या सुनावणीत सीबीआयने दाखल केलेल्या प्रकरणात जामीन मिळण्याची मागणी चिदंबरम यांनी केली. अपमान करण्यासाठी सीबीआय मला तुरुंगात ठेवत असल्याचा आरोपही चिदंबरम यांनी केला आहे. ‘चिदंबरम यांना ६० दिवस तुरुंगात ठेवण्याचे त्यांनी ठरवले आहे. सीबीआय कोठडीत असताना ईडी समोर हजर होण्याची त्यांची इच्छा आहे,’ असे चिदंबरम यांचे वकील कपिल सिब्बल यांनी सांगितले.

सीबीआयने चिदंबरम यांना २१ ऑगस्टला अटक केली होती. त्यानंतर ५ सप्टेंबरपासून ते कोठडीत आहेत. याच प्रकरणात ‘ईडी’ला चिदंबरम यांची चौकशी करायची आहे. यूपीए सरकारमध्ये अर्थमंत्री असताना चिदंबरम यांनी आयएनएक्स मीडिया कंपनीत परदेशी गुंतवणुकीसाठी परवानगी दिली होती. चिदंबरम यांचा मुलगा कार्ती चिदंबरम याने त्यासाठी पैसे घेतल्याचा आरोप आहे.

काँग्रेसच्या अध्यक्ष सोनिया गांधी व माजी पंतप्रधान मनमोहन सिंग यांनी काही दिवसांपूर्वी तिहार तुरुंगामध्ये जाऊन चिदंबरम यांची भेट घेतली होती. त्यावेळी ‘सोनिया गांधी, मनमोहन सिंग यांच्या भेटीमुळे मी धन्य झालो. काँग्रेस पक्ष समर्थ व शूरांचा पक्ष असून माझेही वर्तन तसेच राहणार आहे’ असं ट्वीट चिदंबरम यांच्या ट्विटर अकाऊंटवरून करण्यात आले होते.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.