कोरोनामुळे ईडी'चं कार्यालय सील; ५ अधिकाऱ्यांची कोरोना टेस्ट पॉझिटिव्ह

नवी दिल्ली, ६ जून: सक्तवसुली संचालनालयातील (ईडी) पाच अधिकाऱ्यांना कोरोना व्हायरसची लागण झाल्याचं समोर आलं आहे. दिल्लीच्या खान मार्केट परिसरात असलेल्या ‘लोक नायक भवन’ या ईडीच्या मुख्यालयातील पाच अधिकाऱ्यांची कोरोना टेस्ट पॉझिटिव्ह आली आहे.

वृत्तसंस्था एएनआयने दिलेल्या वृत्तानुसार, काल(दि.५) ईडीच्या मुख्यालयातील पाच अधिकाऱ्यांची कोरोना टेस्ट पॉझिटिव्ह आल्यानंतर मुख्यालय सील करण्यात आलं असून उद्यापर्यंत हे कार्यालय सील असणार आहे. तर, कोरोनाची लागण झालेल्या अधिकाऱ्यांना आणि त्यांच्या काही कुटुंबियांना क्वारंटाइन करण्यात आलं आहे.

5 #COVID19 positive cases found in the headquarters of Enforcement Directorate (ED) situated at Lok Nayak Bhawan, Khan Market, Delhi. The building was sanitized yesterday; it has been sealed till tomorrow. pic.twitter.com/Zw0noeEXi1

— ANI (@ANI) June 6, 2020

शुक्रवारी ईडीच्या मुख्यालयाचं निर्जंतुकिरण करण्यात आलं असून ते रविवारपर्यंत सील असणार आहे. तसंच कोरोनाची लागण झालेल्या अधिकारी व त्यांच्या कुटुंबियांना सध्या क्वारंटाईन करण्यात आलं आहे. दरम्यान, सलग दोन दिवस देशातील कोरोनाबाधितांची संख्या ९ हजाराहून अधिक नोंद केली जात आहे. तर काल २९५ रुग्णांचा मृत्यू झाला आहे. त्यामुळे कोरोना बाधितांचा आकडा हा २ लाखांच्या पार गेला आहे. यात भारताने इटलीला देखील मागे सोडलं असून सार्वधिक कोरोनाचे रुग्ण असलेल्या देशांत भारत सहाव्या स्थानी आहे.

News English Summary: Five officers of the Directorate of Recovery (ED) have been found to be infected with the corona virus. Five officers at the Lok Nayak Bhavan ED headquarters in Delhi’s Khan Market area have tested positive for corona News Latest Updates.

News English Title: Five officers at the Lok Nayak Bhavan ED headquarters in Delhi Khan Market area have tested positive for corona News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.