मणिपूरमध्ये काँग्रेसचा भाजपला धक्का, राज्य सरकार कोसळणार

इम्फाळ, १८ जून : आठ महिन्यांपूर्वी महाराष्ट्रात रंगलेलं सत्तानाट्य आणि रात्रीत बदललेला राजकारणाचा खेळ अजून जनता विसरलेली नाही. आता त्याची पुन्हा एकदा आठवण करून दिली आहे ईशान्येकडच्या राज्याने. मणिपूरमधल्या भाजप सरकारला पुन्हा एकदा रात्रीतच धक्का बसला आहे, तेही उपमुख्यमंत्र्यांनीच राजीनामा दिल्यामुळे.

एका रात्रीत भाजपच्या देवेंद्र फडणवीसांना मुख्यमंत्रिपदाची शपथ घेतली आणि राष्ट्रवादीचे अजित पवार उपमुख्यमंत्री बनले. पण अवघ्या तीन दिवसात या उपमुख्यमंत्र्यांनी राजीनामा देत भाजपला धक्का दिला आणि भाजपचं सरकार अगदीच अल्पजीवी ठरलं. आता मणिपूरमध्ये एन. बिरेन सिंग यांच्या नेतृत्वाखालील भाजपचं सरकार संकटात सापडलं आहे. उपमुख्यमंत्री वाय. जॉयकुमार सिंग यांनी राजीनामा दिला आहे. त्यामुळे राज्य सरकार संकटात सापडलं आहे.

आता मणिपूरमध्ये राष्ट्रीय जन पक्षाचे चार, तृणमूल काँग्रेस एक आणि एका अपक्षाने पाठिंबा काढत काँग्रेसला पाठिंबा देणार असल्याचं जाहीर केलं आहे. सुभाषचंद्र सिंह, टीटी होईकीप आणि सॅम्युअल जेंदेई या तीन भाजप आमदारांनी राजीनामा दिला असल्याचे समोर आले आहे.

Manipur: S Subhashchandra Singh, TT Haokip & Samuel Jendai resign as BJP MLAs&join Congress. NPP’s Y Joykumar Singh, N. Kayisii, L Jayanta Kumar Singh & Letpao Haokip, resign from ministerial posts. TMC’s T Robindro Singh&Independent MLA Shahabuddin withdraw their support to BJP.

— ANI (@ANI) June 17, 2020

9 आमदारांनी साथ सोडल्यानंतर बिरेन सिंह सरकारला राज्यसभा निवडणुकांच्या तोंडावर मोठा धक्का मानला जात आहे. तसेच आतापर्यंत तीन वेळा मुख्यमंत्री राहिलेले माजी मुख्यमंत्री ओक्रम इबोदी सिंग हे मणिपूरचे पुढचे मुख्यमंत्री असतील, असा दावा देखील काँग्रेसकडून करण्यात येत आहे.

2017 मध्ये झालेल्या मणिपूर विधानसभा निवडणुकीत 60 सदस्यीय विधानसभेत 28 जागांसह काँग्रेस सर्वात मोठा पक्ष ठरला होता. तर भाजपला 21 जागा मिळाल्या होत्या. परंतु भाजपला चार एनपीपी, चार एनपीएफ, एक लोजप, एक तृणमूल, एक अपक्ष आणि एक कॉंग्रेस बंडखोर अशा 12 जणांचा पाठिंबा मिळवून बहुमत गाठता आले. बिरेनसिंग सरकार स्थापन झाल्यानंतर काँग्रेसचे अन्य सात आमदारही सामील झाले होते.

News English Summary: In Manipur, four Rashtriya Jan Paksha, one Trinamool Congress and one Independent have announced their support for the Congress. Three BJP MLAs, Subhash Chandra Singh, TT Hoikip and Samuel Zendei, have resigned.

News English Title: In Manipur four Rashtriya Jan Paksha one Trinamool Congress and one Independent have announced their support for the Congress News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.