देशात २४ तासांत ८,९०९ नवे रुग्ण; मृतांचे प्रमाण २.८० टक्के

नवी दिल्ली,४ जून : कोरोनाच्या रुग्णांमध्ये बुधवारी सर्वाधिक वाढ नोंदविण्यात आली. गेल्या २४ तासांत देशात कोरोनाचे ८,९०९ रुग्ण आढळले असून, एकूण रुग्णसंख्या २ लाख ७ हजार, ६१५ झाली आहे. देशातील मृतांची संख्या ५,८१५ वर पोहोचली आहे. केंद्रीय आरोग्य मंत्रालयाने बुधवारी प्रसिद्ध केलेल्या आकडेवारीनुसार, सुमारे निम्मे म्हणजे १ लाख ३०३ रुग्ण बरे झाले आहेत. गेल्या २४ तासांमध्ये ४,७७६ रुग्ण बरे झाले असून, २१७ रुग्णांचा मृत्यू झाला. मृतांचे प्रमाण २.८० टक्के आहे.

मागील चोवीस तासांमध्ये १ लाख ३७ हजार १५८ नमुना चाचण्या घेण्यात आल्या. आता सातत्याने एक लाखांहून अधिक चाचण्या घेण्यात येत आहेत. आतापर्यंत ४१ लाख ३ हजार २३३ चाचण्या झाल्या आहेत. ४८० सरकारी व २०८ खासगी वैद्यकीय प्रयोगशाळांमध्ये चाचण्या होत आहेत, अशी माहिती भारतीय वैद्यकीय संशोधन संस्थेने (आयसीएमआर) दिली. गेल्या काही दिवसांपासून आठ हजारांहून अधिक रुग्णवाढ होत आहे. मात्र, प्रतिबंधात्मक उपाययोजनांमुळे रुग्णसंख्या नियंत्रणात आणण्यात यश येत असल्याचा दावा करण्यात आला आहे.

दरम्यान, देशाची आर्थिक राजधानी असलेल्या मुंबईत काल दिवसभरात १ हजार २७६ नव्या रुग्णांची भर पडली. त्यामुळे मुंबईतील कोरोनाबाधितांची संख्या ४३ हजार २६२ वर पोहोचली आहे. तसेच काल ४९ कोरोना रुग्णांनी आपला जीव गमावल्याने येथील मुंबईतील एकूण कोरोनाबळींची संख्या १ हजार ४१७ इतकी झाली आहे. मुंबईपाठोपाठ पुण्यातील कोरोना रुग्णांची संख्या झपाट्याने वाढतेय. पुणे, पिंपरी आणि परिसरात काल दिवसभरात ३४० नव्या रुग्णांना कोरोनाची लागण झाली. त्यामुळे जिल्ह्यातील रुग्णसंख्या ८ हजार ४७४ इतकी झाली आहे. तर काल ९ रुग्णांचा करोनाने मृत्यू झाल्याने मृतांची एकूण संख्या ३८३ वर पोहोचली आहे.

News English Summary: The highest increase was reported Wednesday in corona patients. In the last 24 hours, 8,909 cases of corona have been detected in the country, bringing the total number of patients to 2,07,615. The death toll in the country has reached 5,815. According to figures released by the Union Health Ministry on Wednesday, about half, or 1 lakh 303 patients, have been cured.

News English Title: In the last 24 hours 8909 cases of corona have been detected in the India News latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.