कोरोना रुग्ण संख्या विक्रम, रशियाला मागे टाकत भारत तिसऱ्या क्रमांकावर

नवी दिल्ली, ६ जुलै : देशात कोरोनाबाधितांचा आकडा झपाट्याने वाढत आहे. गेल्या २४ तासांत देशात २४,२४८ नवे कोरोनाबाधित रूग्ण सापडले आहेत. यामध्ये ४२५ कोरोनाग्रस्तांचा मृत्यू झाला आहे. आरोग्य मंत्रालयाकडून सोमवारी जाहीर केलेल्या अपडेटनुसार, देशात एकूण कोरोनाबाधितांचा आकडा हा ६ लाख ९७ हजार ९१३ इतका पोहोचला आहे. तर यामध्ये मृतांचा आकडा हा १९ हजार ६९३ इतका आहे.

आतापर्यंत ४ लाख २४ हजार ४३३ रूग्ण कोरोनामुक्त झाले आहेत. २४ तासांत १५ हजार ३५० रूग्णांनी कोरोनाशी दोन हात केले आहे. देशात ऍक्टिव केसची संख्या २ लाख ५३ हजार २८७ इतकी आहे. आयसीएमआरच्या म्हणण्यानुसार, ५ जुलैपर्यंत ९९ लाख ६९ हजार ६६२ लोकांची स्लॅब टेस्ट करण्यात आली. कोरोनाच्या आकडेवारीत भारताने रशियाला देखील मागे टाकलं आहे. भारत त्या टॉप तीन देशात आहे जेथे कोरोनाचं संक्रमण सर्वाधिक आहे. अमेरिका, ब्राझील पाठोपाठ भारतात सर्वाधिक कोरोनाबाधित रूग्ण आहेत.

देशात सध्या कोरोनाचे 6 लाख 97 हजार 413 कोरोना रुग्ण आहेत. यासह रशियाला मागे टाकत भारत आता तिसऱ्या क्रमांकावर आला आहे. रशियामध्ये कोरोनाचे 6 लाख 81 हजार 251 रुग्ण आहेत. कोरोनाच्या आकडेवारीत पहिल्या क्रमांकावर अमेरिका आहे. अमेरिकेत 29 लाखांहून अधिक कोरोनाबाधित रुग्ण आहेत. गेल्या 24 तासांत तब्बल 17 हजार 244 नवीन प्रकरणं समोर आली. अमेरिकेत कोरोनामुळं 1 लाख 32 हजार 382 लोकांचा मृत्यू झाला.

News English Summary: India now ranks third behind Russia. There are 6 lakh 81 thousand 251 patients of corona in Russia. The United States ranks first in Corona’s statistics. There are more than 29 million coronary heart disease patients in the United States.

News English Title: India reports a spike of 24248 new in last 24 hours surpasses Russia in Covid 19 positive patients News Latest Updates.