अवकाश संशोधन, विकास क्षेत्र हे खासगी कंपन्यांना खुले करणार - इस्रो

नवी दिल्ली , २५ जून : देशातील अवकाश संशोधन आणि विकास क्षेत्रात क्रांतिकारक निर्णय घेण्यात आला आहे. अवकाश संशोधन आणि विकास क्षेत्र हे खासगी कंपन्यांना खुले करण्याचा निर्णय घेण्यात आला आहे. याबाबत इस्रोचे अध्यक्ष डॉ. के सिवन यांनी घोषणा केली आहे. त्यामुळे खासगी कंपनीला इस्रोच्या पायाभूत सुविधा मर्यादित प्रमाणात वापरण्याची मुभा मिळणार आहे.

Pvt sector can also be part of inter-planetary missions of ISRO, says its chief K Sivan

— Press Trust of India (@PTI_News) June 25, 2020

इस्रोने निश्चित केलेल्या मार्गदर्शक तत्वांनुसार देशातील खासगी कंपनीही उपग्रह निर्मिती, प्रक्षेपक ( रॉकेट ) निर्मिती करु शकणार आहे. उपग्रहांचे प्रक्षेपण करु शकणार आहे. यासाठी खासगी कंपनीला इस्रोच्या पायाभूत सुविधा मर्यादित प्रमाणात वापरण्याची मुभा देण्यात येणार आहे.

अवकाश मोहिमा आणि संशोधनामध्ये खासगी क्षेत्राच्या सहभागाला केंद्रीय मंत्रिमंडळाने बुधवारी मंजुरी दिली. खासगी क्षेत्राला परवानगी दिली म्हणून इस्रो आपले काम कमी करणार नाही. इस्रोच्या अवकाश संशोधन आणि मानवी मोहिमा सुरुच राहतील असे सिवन यांनी स्पष्ट केले.

लॉकडाउनमुळे अवकाश मोहिमांवर परिणाम
करोना व्हायरसमुळे मानवी अवकाश मोहिम, चंद्रयान-३ य़ा प्रकल्पांना विलंब होणार आहे. त्याशिवाय या वर्षातील १० अवकाश मोहिमांवर परिणाम झाल्याचे सांगितले. लॉकडाउनचा आमच्या मोहिमांवर काय परिणाम झालाय त्याचा इस्रो आढावा घेईल असे त्यांनी सांगितले.

News English Summary: A revolutionary decision has been taken in the field of space research and development. It has been decided to open the space research and development sector to private companies. In this regard, ISRO President Dr. K Sivan has made the announcement.

News English Title: Indian Private Sector Can Now Build Rockets ISRO News latest Updates.