अमित शहांच्या कार्यक्रमात योगा करून लोकं गरीब झाले; आयोजकांच्या चटई चोरून पळाले

हरियाणा : आज पाचव्या आंतरराष्ट्रीय योग दिनानिमित्त देशभरात योग दिन साजरा केला जात आहे. पंतप्रधान नरेंद्र मोदी यांनी आज रांची तर केंद्रीय गृहमंत्री अमित शाह यांनी आज हरियाणाचे मुख्यमंत्री मनोहर लाल खट्टर यांच्यासोबत रोहतक येथे योग दिवस साजरा केला. पंतप्रधानांचा कार्यक्रम जवळपास ४० हजार लोकांसह सुरळीत पार पडला पण केंद्रीय गृहमंत्री अमित शहांचा कार्यक्रमात लोकांनी चक्क अंथरलेल्या चटई पळवल्या.

सदर कार्यक्रम संपवून अमित शहा बाहेर गेल्यानंतर चटई पळवण्यासाठी लोकांमध्ये झुंबड उडाली. चटई घेऊन जाऊ नका, अशी जाहीर सूचना आयोजकांनी केली परंतु लोकांनी त्यांच्याकडे दुर्लक्ष करत चटई पळवण्यावर लक्ष केंद्रित केले. इतकेच नाही तर लोकांनी चटईसाठी आयोजकांशी वाद घालण्यासही सुरुवात केली. तर काहींनी चटई घेऊन सरळ घरचा रस्ता धरला.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.