पुलवामात पुन्हा चकमक, मेजरसहीत ४ जवान शहीद

श्रीनगर : चार दिवसांपूर्वी पुलवामामध्ये दहशदवाद्यांनी केलेल्या हल्ल्यात ४० जवान शहीद झाले होते. त्यानंतर देशभरात पाकिस्तानविरोधात संताप व्यक्त करण्यात येत आहे. परंतु अजून देखील सीमारेषेवरील पाकिस्तानच्या कुरापती संपण्याचे नावच घेत नाही. दक्षिण-काश्मीरच्या पुलवामा जिल्ह्यात दहशतवाद्यांनी पुन्हा एकदा भारतीय लष्कराला लक्ष्य केले आहे.

पुलवाम्यातील पिंगलान परिसरात आज पहाटेपासूनच दहशतवादी आणि भारतीय जवानांमध्ये जोरदार चकमक सुरू झाली आहे. दहशतवाद्यांविरोधात लढताना एका मेजरसह ४ जवानांना वीरमरण आले, तर १ जण गंभीर जखमी आहे. अद्याप देखील परिसरात चकमक सुरू असल्याची माहिती समोर आली आहे. येथील एका घरात २ ते ३ दहशतवादी लपून बसले आहेत. दहशतवादी लपून बसल्याची माहिती मिळाल्यानंतर सोमवारी पहाटे सुरक्षा दलांनी शोधमोहीम सुरू केली असता लपून बसलेल्या दहशतवाद्यांनी जवानांवर अंदाधुंद गोळीबार केला. या हल्ल्यात ५ जवानांना वीरमरण आले आणि एक जवान जखमी झाला आहे. शहीद झालेल्या ४ जवानांमध्ये मेजर दर्जाच्या अधिकाऱ्याचा देखील समावेश आहे. सुरक्षा दलांनी २ ते ३ दहशतवाद्यांना घेरले असून अद्याप देखील चकमक सुरू असल्याचे वृत्त आहे. दरम्यान या चकमकीत १ स्थानिक नागरिक देखील जखमी झाल्याचे वृत्त आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.