कर्नाटक पोटनिवडणूक: भाजपची डोकेदुखी संपली आणि बंडखोर आमदारांच्या जीवावर सत्ता राखली

बंगळुरू: कर्नाटकमध्ये असलेल्या मुख्यमंत्री येडुरप्पा यांच्या भारतीय जनता पक्ष सरकारचं भवितव्य आज ठरणार आहे. विधानसभेच्या १५ जागांसाठी झालेल्या पोटनिवडणुकीची मतमोजणी सुरु झाल्यानंतर आता जवळपास चित्र स्पष्ट होत आहे. भारतीय जनता पक्षाने १५ पैकी १२ जागांवर आघाडी घेतली आहे तर काँग्रेस २ आणि अपक्ष एका जागी आघाडीवर आहे. राज्यातील सत्ता टिकवण्यासाठी भारतीय जनता पक्षाला किमान ७ जागांवर विजय मिळवणं आवश्यक होतं.

Election Commission of India: Bharatiya Janata Party wins in 3 seats, leading in 9 seats; Congress leading in 2 seats and Independent leading in 1 seat. #KarnatakaByPollResults pic.twitter.com/CYvwEHuvxy

— ANI (@ANI) December 9, 2019

कर्नाटकमध्ये भारतीय जनता पक्षाला सत्ता टिकविण्यासाठी ६ जागांची गरज होती. आता १२ जागांवर आघाडीवर असल्याने भारतीय जनता पक्षाची जवळपास चिंता मिटल्यात जमा आहे. यामुळे दक्षिण भारतातील एकमेव राज्य ताब्यात ठेवण्यात भारतीय जनता पक्षाला यश येणार आहे. येडीयुराप्पांनी ही खेळी केलेली असली तरीही या १५ बंडखोर आमदारांनी भवितव्य पणाला लावले होते. यामुळे त्यांची आमदारकीही रद्द झाली होती. याचे बक्षिस या निवडून येणाऱ्या आमदारांना मंत्रीपद मिळण्याची शक्यता आहे.

Karnataka CM BS Yediyurappa on #KarnatakaByelection: I am happy that people have given a very good verdict. Now, without any problem we can give a pro-people and a stable government. pic.twitter.com/XDPkhgUNjm

— ANI (@ANI) December 9, 2019

२२५ जागांच्या कर्नाटक विधानसभेत २२३ जागांपैकी १५ जागांवर पोटनिवडणूक होत आहे. सध्या भारतीय जनता पक्षाकडे १०५, काँग्रेस ६६ (११ बंडखोर) जेडीएस ३४ (३ बंडखोर), केपीजेपी १, बसपा १ आणि १ अपक्ष आमदार आहेत. कर्नाटकमधील विधानसभेच्या पोटनिवडणुकीत काँग्रेसचा पराभव झाल्यानंतर काँग्रेसचे ज्येष्ठ नेते डीके शिवकुमार यांची प्रतिक्रिया आली आहे. आम्हाला १५ जागांवर झालेला पराभव मान्य करावा लागणार आहे. आम्हाला विजय मिळाला नाही, म्हणून निराश होण्याचे कारण नाही. निवडणुकीत जय-पराजय होत असतात, असे डीके शिवकुमार म्हणाले.

Karnataka Bypoll Election those Twelve Rebel MLAs will get Ministerial Berth Karnataka Minister says Karnataka Chief Minister BS Yeddyurappa

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.