लॉकडाउन १५ दिवसांनी वाढवा; गोव्याच्या मुख्यमंत्र्यांची केंद्राकडे मागणी

पणजी, २९ मे : देशातील चौथ्या टप्प्याचा लॉकडाउन येत्या ३१ मे रोजी संपणार आहे. त्यामुळे ३१ मे नंतर यासंदर्भात कोणता निर्णय घेण्यात येईल याकडे सर्वांचंच लक्ष आहे. अशातच गोव्याचे मुख्यमंत्री प्रमोद सावंत यांनी लॉकडाउन आणखी १५ दिवसांनी वाढवावा, अशी मागणी केंद्रीय गृहमंत्री अमित शहा यांच्याकडे केली आहे. लॉकडाउनसंदर्भात त्यांनी केंद्रीय गृहमंत्री अमित शहा यांच्यासोबत फोनवरून आज चर्चा केली. तसंच लॉकडाउन वाढवताना हॉटेल आणि जिमला काही अटींवर सुरू करण्याची परवानगी द्यावी, असं ही सावंत म्हणाले आहेत.

केंद्रीय गृहमंत्री अमित शाह यांनी सर्व राज्यांच्या मुख्यमंत्र्यांशी गुरूवारी रात्री फोनवरून संवाद साधला होता. यावेळी गोव्याचे मुख्यमंत्री डॉ. प्रमोद सावंत यांनी लॉकडाउन १५ दिवसांनी वाढवण्याची सल्ला दिला आहे. एएनआय वृत्तसंस्थेशी बोलताना सावंत म्हणाले, “अमित शाह यांच्यासोबत झालेल्या चर्चेत लॉकडाउन १५ दिवसांनी वाढवायला हवा, असं सांगितलं. यात काही गोष्टी गोष्टी सुरु करण्यास मूभा द्यावी. ५० टक्के क्षमतेनं आणि सोशल डिस्टसिंग पाळून हॉटेल सुरू करायला हवी. त्याचबरोबर व्यायामशाळा (जिम) सुरू व्हाव्यात अशी अनेक लोकांची मागणी आहे. करोना रुग्ण संख्येचा आकडा कमी करण्यासाठी १५ दिवसांचा लॉकडाउन अतिशय गरजेचा आहे,” असं सावंत यांनी सांगितलं.

Lockdown must be extended for 15 more days, it is needed, as the graph of #COVID19 is rising: Goa Chief Minister Pramod Sawant https://t.co/b2hmy2Zn0t

— ANI (@ANI) May 29, 2020

राज्याला जेवढे स्वातंत्र्य असेल त्यानुसार पाऊले उचलली जातील, असे मुख्यमंत्र्यांनी सूचित केले. काहीजण मॉल सुरू करा अशीही मागणी करतात त्याविषयीही सरकार विचार करील. गोव्यात कोरोना रुग्ण संख्या वाढतेय याचीही नोंद सरकारने घेतली असल्याचे मुख्यमंत्री म्हणाले.

News English Summary: The fourth phase of lockdown in the country will end on May 31. Therefore, all eyes are on what decision will be taken in this regard after May 31. Similarly, Goa Chief Minister Pramod Sawant has demanded that the lockdown be extended for another 15 days to Union Home Minister Amit Shah.

News English Title: Lockdown Must Be Extended For 15 More Days Goa Chief Minister Pramod Sawant News Latest Updates.