मन की बात | लोकल खेळण्यांना वोकल बनवूया - पंतप्रधान

नवी दिल्ली, ३० ऑगस्ट : पंतप्रधान नरेंद्र मोदींनी 68व्या मन की बातमधून जनतेशी संवाद साधला. देशभरात यंदा इको फ्रेंडली गणेशोत्सव साजरा होतोय. उत्सव आणि पर्यावरणाचं दृढ नातं आहे. निसर्ग संवर्धनासाठी उत्सवाचं आयोजन केलं जात असल्याचं मोदींनी सांगतिलं. कोरोनाच्या कठिण काळातही शेतकऱ्यांनी मोठं योगदान दिलं असून अन्नदाता शेतकऱ्यांना मोदींकडून मन की बातच्या सुरुवातीला नमन करण्यात आलं.

पंतप्रधान मोदी म्हणाले, आपण अगदी सूक्ष्मपणे विचार केला, तर एक गोष्ट निश्चितपणे आपल्याला लक्षात येते, की आपले उत्सव आणि पर्यावरण, यांचा फार जवळचा संबंध आहे. बिहारच्या पश्चिम चंपारणमध्ये तेथील आदिवासी समाजातील लोक गेल्या शेकडो वर्षांपासून 60 तासांसाठी लॉकडाउन, त्यांच्या भाषेत ‘60 तासांच्या बरना’चे पालन करतात. प्रकृतीच्या संरक्षणासाठी येथील थारू समाजातील लोकांनी बरनाला आपल्या परंपरेचा एक भाग बनवले आहे आणि ते याचे शेकडो वर्षांपासून पालन करतात.

पंतप्रधान मोदींनी यावेळी मन की बातमध्ये बोलताना खेळण्यांच्या उद्योगावर भर देण्याचं आवाहन केलं आहे. कोरोना काळात मुलं वेळ कसा घालवत असतील? त्यांच्या भवितव्याबाबत मंथन केलं असल्याचं मोदी म्हणाले. जगभरात खेळण्यांची मोठी बाजारपेठ आहे. मात्र, खेळण्यांच्या या ग्लोबल इंडस्ट्रीत भारताचं योगदान अतिशय कमी असल्याचं मोदी म्हणाले. भारत आत्मनिर्भर भारत मोहिमेअंतर्गत पुढे जात असून, भारतातील मुलांना भारतातच तयार केलेली नवीन खेळणी कशी मिळतील यावर विचार सुरु आहे, असंही मोदींनी सांगितलं.

स्थानिक खेळण्यांची फार मोठी परंपरा आपल्या देशाला आहे. सुरेख खेळणी बनवणारी खूप कौशल्य कारागिर भारतात आहेत. देशामध्ये कर्नाटक, आंध्रप्रदेश, तामिळनाडू, आसाम आणि उत्तर प्रदेश या राज्यांमध्ये खेळांचे चांगले उत्पादन होते. अशी खेळणी निर्मिती करणारी केंद्र निर्माण करण्याची गरज आहे, असेही मोदी म्हणाले.

खेळण्यांची 7 लाख कोटींची मोठी बाजारपेठ आहे. टॉय इंडस्ट्री अतिशय व्यापक आहे. त्यामुळे या इंडस्ट्रीत भारताला पुढे जाण्यासाठी मोठी मेहनत करावी लागणार आहे. लोकल खेळणी वोकल करण्याचा प्रयत्न करुया. पर्यावरणालाही अनुकूल असतील अशी खेळणी तयार करावीत, खेळण्यांसह, मोबाईल, कॉम्प्युटर गेम्ससही भारतीय असावेत असं आवाहन मोदींनी केलं आहे. भारतीयांची इनोव्हेशनची क्षमता जगभरात लोकप्रिय आहे. भारतीयांच्या याच इनोव्हेशच्या जोरावर ‘लेट द गेम बिगिन’चा नवा मंत्र मोदींनी दिला आहे. स्टेप्स सेट गो, चिंगारी यांसारख्या काही भारतीय ऍप्सचं मोदींनी कौतुक केलं असून, भारतीय ऍप्स वापरण्याचं आवाहनही केलं आहे.

News English Summary: PM Narendra Modi on Sunday addressed the 68th edition of his monthly radio programme Mann Ki Baat and renewed his pitch for making India a self-reliant nation. He made a special mention about the toys industry in the country and urged starups to team up and make toys for the entire world indigenously as “India has the talent and the ability to become a toy hub.

News English Title: Mann Ki Baat PM Narendra Modi address the nation Sunday News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.