चिकन, मटन, मासे न खाता गोमांस खावे, भाजपाच्या मंत्र्याचा लोकांना सल्ला | शिवसेनेसह देशभरातून संताप

मुंबई, ०३ ऑगस्ट | राज्यातील लोकांनी चिकन, मटन आणि माशांपेक्षा जास्त गोमांस खाण्याचा सल्ला मेघालयातील भाजप नेते आणि राज्य सरकारमधील मंत्री सबनोर शुलाई यांनी दिला आहे. लोकांनी कोणत्याही कायद्याची भीती न बाळगता मोठ्या प्रमाणात गोमांस खावे. आपला देशात लोकशाही असल्याने प्रत्येकजण जे पाहिजे ते खाऊ शकतो असेही ते यावेळी म्हणाले. ते शुक्रवारी पत्रकार परिषदेत बोलत होते.

भाजप नेते सबनोर शुलाई यांना गेल्याच आठवड्यात राज्याच्या पशुसंर्वधन आणि पशुवैद्यकीय खात्याची जबाबदारी देण्यात आली आहे. राज्यातील अनेक भागात भाजप गोहत्या बंदी कायदा आणणार असल्याची चुकीची माहिती पसरवली जात आहे. विशेष म्हणजे शुलाई यांनी संबंधित विभागाची जबाबदारी स्वीकारताच हे मोठे विधान केले आहे.

राज्यांमधील वाद पोलिसांच्या मदतीने सोडवावा:
मेघालय आणि आसाम दरम्यान गेल्या काही दिवसापासून सीमा विवाद सुरु आहे. राज्याच्या सीमेसाठी आणि आपल्या सुरक्षिततेसाठी तेथील लोकांनी पोलिसांची मदत घ्यावी असे ते यावेळी म्हणाले. जर आसामच्या लोकांनी सीमेजवळ राहणाऱ्या आमच्या लोकांना त्रास दिला तर आम्ही त्यांच्याशी चहावर चर्चा करत राहणार नाही, तर उचित कारवाई केली जाईल असे शुलाई यांनी सांगितले.

शिवसेनेकडून संताप व्यक्त:
दरम्यान, भाजप मंत्र्याच्या गोमांस खाण्याच्या मुद्द्यावरून देशभरातून भाजपच्या हिंदुत्वावर सडकून टीका सुरु झाली आहे. या विधानावरून शिवसेनेनं भाजपाच्या हिंदुत्वावर प्रश्न उपस्थित करत संताप व्यक्त केला आहे. “भारतीय जनता पक्ष हा एक हिंदुत्ववादी पक्ष आहे, पण त्यांचे हिंदुत्व राजकीय सोयीचे आहे काय, याचे आत्मपरीक्षण त्यांनीच करण्याची वेळ आली आहे. दुसऱ्या मोदी पर्वात गोवंश हत्येचा विषय बासनात गुंडाळला गेला असून गोमातांचा दर्जा खाली गेला आहे”, असं म्हणत शिवसेनेनं झुंडबळी ठरलेल्यांची भाजपाने माफी मागावी अशी मागणी केली आहे.

ज्या सरकारातला मंत्री गोमांस भक्षणाचे समर्थन करतोय ते सरकार पक्के देशद्रोही, पाकिस्तानप्रेमी असल्याचे सांगत त्या राज्यात राष्ट्रपती राजवट लावण्याची मागणीही झाली असती, पण भाजपाच्या मंत्र्याने गाई कापून खा असे बेताल विधान करूनही एकाही भाजपा प्रवक्त्याने गोमातेच्या सन्मानार्थ प्रतिक्रिया दिल्याचे दिसत नाही”, असं शिवसेनेनं म्हटलं आहे.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया महाराष्ट्रनामाला न विसरता ‘फॉलो (Follow) ‘ करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. त्यामुळे आम्हाला नक्की फॉलो करा. महाराष्ट्रनामा नेहमीच वाचकाच्या पसंतीचे आणि निरनिराळ्या पण महत्वाच्या विषयांवरील लेख प्रसिद्ध करण्यास वचनबद्ध आहे. जर तुम्हाला आमचा हा लेख आवडला असेल तर तुमच्या मित्र मंडळीपर्यंत WhatsApp किंवा Facebook च्या माध्यमातून नक्की शेअर करा. तसेच अयोग्यविषयक प्रकाशित / प्रसारित केलेली बातमी /लेख केवळ आपल्या माहितीसाठी असतो. कृपया त्यांच्याशी संबंधित कोणत्याही वापरापूर्वी एखाद्या तज्ञाचा सल्ला घ्या.

News Title: Meghalaya Government BJP minister Sanbor Shullai asks people to eat more beef than chicken mutton or fish news updates.