राज ठाकरेंच पहिलं ट्विट; हुतात्म्यांना केलं अभिवादन

मुंबई : महाराष्ट्र दिनाचे औचित्य साधून मनसे अध्यक्ष राज ठाकरे यांनी ट्विटरवर प्रवेश केला आहे. त्यांनी त्यांच्या पहिल्या ट्विट मध्ये महाराष्ट्र दिनी हुतात्म्यांना अभिवादन केलं आहे.

१ मे म्हणजे आज महाराष्ट्र दिनी सकाळी ६ वाजता महाराष्ट्र दिनानिमित्त राज ठाकरे यांनी ट्विट करत हुतात्म्यांना अभिवादन केलं आहे. समाज माध्यमांवर राज ठाकरे यांचा प्रवेश झाल्याने मनसेचे कार्यकर्ते आणि राज ठाकरे यांना मानणारा मोठा वर्ग फेसबुक आणि ट्विटरवर सुद्धा कार्यरत झाला आहे. राज ठाकरे यांनी पहिल्यांदा फेसबुक वर इंट्री केली होती.

काही महिन्यापूर्वी त्यांनी फेसबुक पेजवर प्रवेश करून अल्पावधीतच लाखो चाहत्यांना आकर्षित केलं होत. कार्यकर्ते तसेच सामान्य मराठी माणसा बरोबर संपर्कात राहणं तसेच स्वतःचे विचार मांडणं त्यांच्यासाठी सोपं झालं आहे. याच फेसबुक पेजच्या माध्यमातून राज ठाकरे यांनी सध्याच्या राजकीय आणि सामाजिक परिस्थितीवर नेमकं बोट ठेऊन अनेक व्यंगचित्र रेखाटली आणि सामान्यांना पटली सुध्दा आहेत.

ट्विटर मुळात मायक्रो सोशल मीडिया म्हणून प्रसिद्ध आहे. कारण इथे शब्दांच्या मर्यादेमुळे स्पष्टीकरणाला जास्त वाव नसतो, त्यामुळे बरेच जण इथे येणं टाळतात किंव्हा असेल अकाउंट तरी वापरात नसतं. परंतु राज ठाकरे स्वतः ट्विटरवर अधिकृतपणे आल्याने अनेक मनसे कार्यकर्त्यांची जुनी ट्विटर अकाउंट्स कार्यरत होऊ शकतात.

टि्वटरवर राज ठाकरे यांच्या नावाने @RajThackeray हे अकाऊंट सुरू करण्यात आले. त्याआधी मनसे अधिकृत या नावाने मनसेचं टि्वटर अकाऊंट आहे.

आज महाराष्ट्र दिन ! आज मराठी माणसाला त्याच्या हक्काचं राज्य मिळालं आणि एका अर्थानं मराठी भाषेला मान्यता मिळाली. हे राज्य मिळवण्यासाठी अनेका-अनेकांनी आपल्या प्राणांची आहुती दिली, अपार कष्ट झेलले. आज त्या सर्वांची आठवण करण्याचा आणि आपली जबाबादारी जाणण्याचा दिवस! जय महाराष्ट्र !

— Raj Thackeray (@RajThackeray) May 1, 2018

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.