कृषी विधेयक | शिरोमणी अकाली दल आक्रमक | कायद्यांविरोधात राष्ट्रीय आघाडी स्थापणार

नवी दिल्ली, २९ सप्टेंबर : केंद्र सरकारने संसदेच्या पावसाळी अधिवेशनात बहुमताच्या जोरावर आवाजी मतदानाद्वारे मंजूर केलेल्या कृषी कायद्यांविरोधात देशातील शेतकऱ्यांचे आंदोलन सुरु आहे. दरम्यान, आता शेतकर्‍यांनी कृषी कायद्याविरोधातील हे आंदोलन २ ऑक्टोबरपर्यंत सुरू ठेवण्याचा निर्णय घेतला आहे. तर एक ऑक्टोबर रोजी सर्व शेतकऱ्यांनी देशव्यापी रेलरोकोची हाक दिली आहे.

राष्ट्रीय लोकशाही आघाडीचा (एनडीए) घटक पक्ष राहिलेल्या आणि नुकत्याच मंजूर झालेल्या कृषी कायद्यांविरोधात एनडीएतून बाहेर पडलेल्या शिरोमणी अकाली दलाने या कायद्यांविरोधात आता अधिक आक्रमक पवित्रा घेतला आहे. सोमवारी अकाली दलाने केंद्र सरकारविरोधात देशभरातील शेतकऱ्यांच्या प्रश्नावर विविध प्रादेशिक पक्षांसोबत राष्ट्रीय आघाडी करण्याची घोषणा केली.

अकाली दलाचे वरिष्ठ नेते आणि माजी खासदार प्रा. प्रेमसिंग चंदूमाजरा म्हणाले, “नुकतेच मंजूर झालेले तीन कृषी कायदे आणि शेतकऱ्यांच्या इतर प्रश्नांवर सुरु असलेलं आंदोलन टिकून रहावं यासाठी शिरोमणी अकाली दल प्रादेशिक पक्षांची राष्ट्रीय आघाडी तयार करणार आहे. राष्ट्रीय आघाडीसाठी देशभरातील पक्षांना आमंत्रित करण्यात येणार असून याद्वारे मोठी चळवळ उभी राहिल.” पंजाबमध्ये सोमवारी शहीद भगतसिंग यांच्या जयंतीनिमित्त ते एका कार्यक्रमात बोलत होते.

तसेच शेतकरीविरोधी कायद्यांमध्ये आधारभूत किंमतीचा उल्लेख का केला नाही, असा सवाल करीत ट्रॅक्टर पेटवल्याने जनतेला या कायद्यांविरुद्धचा शेतकऱ्यांचा रोष दिसला आहे, अशा शब्दांत पंजाबचे मुख्यमंत्री कॅप्टन अमरिंदर सिंह यांनी समर्थन केले.

News English Summary: The Shiromani Akali Dal (SAD), which remained a constituent party of the National Democratic Alliance (NDA) and withdrew from the NDA against the recently passed agricultural laws, has now taken a more aggressive stance against these laws. On Monday, the Akali Dal announced a national alliance with various regional parties on the issue of farmers across the country against the central government.

News English Title: Movements To Establish A National Front Against New Agricultural Laws Akali Dal Initiative Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.